ഓഹരി വിപണി ഇന്ന് നഷ്ട്ടത്തിൽ വ്യാപാരം അവസാനിപ്പിച്ചു. ആഗോള കാരണങ്ങളും രൂപയുടെ മൂല്യത്തകര്ച്ചയുമാണ് വിപണിയെ ഇന്ന് കാര്യമായി ബാധിച്ചത്. അവസാന മണിക്കൂറിലെ വ്യാപാരത്തിലാണ് സൂചികകള് നഷ്ടം കുറച്ചത്.
രൂപയുടെ മൂല്യത്തിന് വൻ ഇടിവ് തുടരുകയാണ്. ഡോളറിനെതിരെ 71.21 എന്ന ചരിത്രത്തിലെ ഏറ്റവും വലിയ പതനത്തിലേക്കാണ് രൂപ താഴ്ന്നിരിക്കുന്നത്. ഈ വർഷം ഇതുവരെ രൂപയുടെ മൂല്യത്തിൽ 11% ഇടിവാണുണ്ടായത്. വ്യാപാരത്തിനിടെ സെന്സെക്സ് 300ലേറെ പോയിന്റ് താഴെപ്പോയിരുന്നു. നിഫ്റ്റി 100 പോയിന്റോളവും താഴ്ന്നു.
സെന്സെക്സ് 139.61 പോയന്റ് താഴ്ന്ന് 38018.31ലും നിഫ്റ്റി 43.35 പോയന്റ് നഷ്ടത്തില് 11476.65ലുമാണ് വ്യാപാരം അവസാനിപ്പിച്ചത്. ടാറ്റ മോട്ടോഴ്സ്, ഹിന്ഡാല്കോ, വേദാന്ത, സണ് ഫാര്മ, ബജാജ് ഓട്ടോ, ഏഷ്യന് പെയിന്റ്സ്, ഡോ.റെഡ്ഡീസ് ലാബ്, പവര് ഗ്രിഡ് കോര്പ് തുടങ്ങിയ ഓഹരികള് ഇന്ന് നേട്ടത്തിലായിരുന്നു.
ഹിന്ദുസ്ഥാന് യുണിലിവര്, ലുപിന്, ഹീറോ മോട്ടോര്കോര്പ്, ഭാരതി എയര്ടെല്, റിലയന്സ്, ഇന്ഫോസിസ്, ടിസിഎസ്, എല്ആന്റ്ടി, എച്ച്ഡിഎഫ്സി, ആക്സിസ് ബാങ്ക് തുടങ്ങിയ ഓഹരികള് നഷ്ടത്തിലാണ് ക്ലോസ് ചെയ്തത്.
malayalam.goodreturns.in