ജോലിയില്‍ നിന്ന് വിരമിച്ച പ്രവാസികള്‍ക്ക് ദീര്‍ഘകാല വിസ പ്രഖ്യാപിച്ച് യു.എ.ഇ മന്ത്രിസഭ. രാജ്യത്തിലെ ഏഴ്  ഫെഡറേഷനുകളുടെ സാമ്പത്തിക വളർച്ചയിൽ പുരോഗതി കൈവരിക്കാൻ ആണ് ഇത്തരത്തിൽ ഒരു മാറ്റം .

2019 ൽ പ്രാബല്യത്തിൽ വരുന്ന പുതിയ നിയമത്തിൽ താഴെപ്പറയുന്ന വകുപ്പുകൾ ഉള്പെടുത്തിയതായിട്ടാണ് രാജ്യത്തെ WAM വാർത്താ ഏജൻസി പറയുന്നത്.

ദീർഘിപ്പിച്ച റെസിഡൻസി വിസകൾ 55 വയസ്സിനു മുകളിൽ ഉള്ളവർക്ക് അപേക്ഷിക്കാം. അഞ്ചു വർഷത്തെ കാലയളവ് കഴിഞ്ഞാൽ വിസ പുതുക്കേണ്ടതാണ് .വിസ ലഭിക്കാൻ യു.എ.ഇയിലെ കെട്ടിട-ഭൂമിയില്‍ 20 ലക്ഷം ദിർഹമിന്റെ നിക്ഷേപം , 10 ലക്ഷം ദിർഹമിൽ കുറയാത്ത സമ്പാദ്യം , അല്ലെങ്കില്‍ മാസം 20,000 ദിർഹമിന്റെ വരുമാനം എന്നിവ ഉണ്ടാവേണ്ടതാണ് .

നിയമം പ്രാവർത്തികമാക്കിയാൽ, ആറ് രാജ്യങ്ങളിലെ ഗൾഫ് കോപറേഷൻ കൌൺസിലിന്റെ ഒരു പ്രധാന നടപടിയാകും ഇത്. താമസ കുടിയേറ്റ നിയമങ്ങളില്‍ യു.എ.ഇ തുടരുന്ന പരിഷ്കരണങ്ങളുടെ ഭാഗമായാണ് ഈ നിയമം .