രാജ്യത്തെ ഏറ്റവും വലിയ ഉപഭോക്തൃ അടിത്തറയുള്ള മൂന്ന് ബാങ്കുകൾ അവരുടെ എം.സി.എൽ.ആർ അടിസ്ഥാന വായ്പ നിരക്ക്) പരിഷ്കരിച്ചു. 2018 ഒക്ടോബർ 1 മുതൽ ഇത് പ്രാബല്യത്തിൽ വരും. എം. സി. എൽ . ആർ എന്നത് ബാങ്കുകൾ ഉപഭോക്താക്കൾക്ക് പണം കടം കൊടുക്കുന്ന നിരക്കാണ്. 2016 ഏപ്രിൽ 1 ന് റിസർവ് ബാങ്ക് ഓഫ് ഇന്ത്യ നടപ്പാക്കുന്ന ഈ സംവിധാനം അഡ്വാൻസ് തുകയ്ക്ക് കുറഞ്ഞ പലിശനിരക്ക് വെക്കാൻ വാണിജ്യ ബാങ്കുകളെ സഹായിക്കാനുള്ളതാണ് .

എസ്. ബി. ഐ, ഐ.സി.ഐ.സി. ബാങ്ക്, പിഎൻബി എന്നിവയുടെ വായ്പാ പലിശ നിരക്ക് വർധിപ്പിക്കാൻ ഉള്ള തീരുമാനം , ആർ.ബി.ഐ.യുടെ ധനകാര്യ കമ്മറ്റി യോഗത്തിന്റെ സമയത്തു തന്നെയാണ് വന്നിരിക്കുന്നത് . ഇതിന്റെ ഫലം ഒക്ടോബർ 5 ന് പുറപ്പെടുവിക്കും.സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) എല്ലാ വായ്പകൾക്കും 0.05 ശതമാനം പലിശ വർദ്ധിപ്പിച്ചു. ഒക്ടോബർ 1 മുതൽ ബാങ്കിൻറെ ഔദ്യോഗിക വെബ്സൈറ്റിൽ ഈ നിരക്ക് പ്രാബല്യത്തിൽ വരികയാണ്.