സ്വീഡിഷ് റീടൈലർമാരായ ഐ കെ ഇ എ അടുത്ത വർഷം മാർച്ചോടെ ഇന്ത്യയിൽ ഇ-കൊമേഴ്സ് പ്രവർത്തനങ്ങൾ ആരംഭിക്കുമെന്നു ഐ കെ ഇ എ യുടെ ഇന്ത്യ ചീഫ് എക്സിക്യൂട്ടീവ് ഓഫീസർ പീറ്റർ ബെറ്റ്സൽ വ്യാഴാഴ്ച പറഞ്ഞു. "ഇന്ത്യയിലെ ഉപഭോക്താക്കൾക്ക് ഐ കെ ഇ എ യുടെ ഒരു മൾട്ടിചാനൽ അനുഭവം ആയിരിക്കും സൃഷ്ടിക്കുക എന്നും അടുത്ത മാർച്ചിൽ മുംബൈയിൽ തുടങ്ങുന്ന പദ്ധതി ഉപഭോക്താക്കളിൽ ബ്രാൻഡ് എത്തിക്കുന്നതിന് പുതിയ മാർഗ്ഗങ്ങൾ മുന്നോട്ടു വെക്കുമെന്നും അദ്ദേഹം കൂട്ടി ചേർത്തു .
ഐ കെ ഇ എ യുടെ ഇന്ത്യയിലെ മൂന്നാമത്തെ സ്റ്റോറിന്റെ വർണ്ണാഭമായ ഉദ്ഘടന ചടങ്ങിൽ പങ്കെടുത്ത ബെറ്റ്സൽ കമ്പനിക്കു ഇതിനകം ഒരു ഓൺലൈൻ പ്ലാറ്റ്ഫോം ഉണ്ടെന്നും , ബിസിനസ് സാധ്യതകൾ വിപുലീകരിക്കുന്നതിനു , വ്യത്യസ്ത പ്ലാറ്റ്ഫോമുകളുമായി ബന്ധിപ്പിക്കുന്ന പ്രക്രിയയിലാണ് കമ്പനി എന്നും പറഞ്ഞു .
ഓൺലൈൻ പ്ലാറ്റുഫോമുകൾ
കമ്പനിയുടെ ഐ.ടി സൌകര്യങ്ങളുടെ നിർമ്മാണത്തിൽ നിക്ഷേപം നടത്തുന്നതിനെക്കുറിച്ച് ചോദിച്ചപ്പോൾ, "നിക്ഷേപങ്ങൾ ഭാഗികമായി നടത്തി വരികയാണെന്ന് അദ്ദേഹം മറുപടി പറഞ്ഞു . വരും ദിവസങ്ങളിൽ വരുമാനം ലഭിക്കാൻ ഓൺലൈൻ പ്ലാറ്റുഫോമുകൾ മാത്രമാണോ തിരഞ്ഞെടുക്കുക എന്ന് ചോദിച്ചപ്പോൾ തങ്ങളുടെ ഫോക്കസ് പോയിന്റ് പല പ്ലാറ്റുഫോമുകളിലേക്കു ഒരേ സമയം എത്തുക എന്നതാണെന്ന് അദ്ദേഹം പറഞ്ഞു .എന്നിരുന്നാലും, വരും ദിവസങ്ങളിൽ ഓൺലൈൻ ഓർഡറുകൾ ഉയരും എന്ന് അദ്ദേഹം പ്രതീക്ഷ പ്രകടിപ്പിച്ചു.
ഫിസിക്കൽ മീറ്റിംഗ് പോയിന്റുകൾ
ആമസോൺ, ഫ്ലിപ്കാർട്ട്, വാൾമാർട്ട് തുടങ്ങിയ ഇ-റീട്ടെയിൽ കമ്പനികളിൽ നിന്ന് മത്സരം പ്രതീക്ഷിക്കുന്ന കമ്പനിയെ ലാഭത്തിലേക്കുയർത്താൻ ഫിസിക്കൽ മീറ്റിംഗ് പോയിന്റുകൾ ഉപയോഗിക്കും എന്ന് അദ്ദേഹം പറഞ്ഞു .
ബാംഗ്ലൂർ സ്റ്റോർ
ഐ കെ ഇ എ ലാഭകരമായിരിക്കുമോ എന്ന് എനിക്ക് ഇപ്പോൾ പറയാൻ കഴിയില്ല, എന്നാൽ തീർച്ചയായും വരും വർഷങ്ങളിൽ ഞങ്ങൾ ലാഭം തന്നെയാണ് പ്രതീക്ഷിക്കുന്നത്.അദ്ദേഹം കൂട്ടി ചേർത്തു.ബാംഗ്ലൂർ സ്റ്റോറിനെക്കുറിച്ച് പറഞ്ഞത് 2020 ആകുമ്പോഴേക്കും 5,00,000 ചതുരശ്ര അടിയിൽ ഒരു പദ്ധതി തുടങ്ങുമെന്ന് പ്രതികരിച്ചു.ഓരോ വർഷവും 7 മില്ല്യൻ സന്ദർശകരെ ആകർഷിക്കാനാണ് സ്റ്റോർ ലക്ഷ്യമിടുന്നത്.2000 ലേറെ വാഹനങ്ങളുടെ പാർക്കിംഗും സ്വീഡിഷ്, ഇൻഡ്യൻ ഭക്ഷണ വിഭവങ്ങളുമായി 1000 ലധികം ഭക്ഷണശാലകളും അതിൽ ഉണ്ടായിരിക്കും.