വീടുകൾ

പ്രധാൻ മന്ത്രി ആവാസ് യോജന പ്രകാരം കേരളത്തിൽ 42,431 വീടുകൾ നിർമ്മിക്കാൻ ലക്ഷ്യമിട്ടിരുന്നു.എന്നാൽ 13,825 വീടുകൾ മാത്രമേ പദ്ധതിയുടെ കീഴിൽ നിർമിക്കേണ്ടി വന്നുള്ളൂ. പ്രധാൻ മന്ത്രി ആവാസ് യോജന, ഇന്ദിര ആവാസ് യോജന എന്നീ പദ്ധതികൾ പൂർത്തിയായിക്കഴിഞ്ഞു എന്നാണ് കേരളം പറയുന്നത്.42,431 വീടുകൾ ലക്ഷ്യമിട്ടതിൽ 16,589 പേർക്ക് മാത്രമേ ആദ്യ ഗഡു ലഭിച്ചുള്ളൂ.അതുകൊണ്ടാണ് ഈ പദ്ധതി വഴി ആനുകൂല്യങ്ങൾ സ്വീകരിക്കാൻ ആളുകൾ മുൻപോട്ടു വരാത്തത്.

ഗ്രാമീണ വികസന മന്ത്രാലയം

പദ്ധതിയെ ഉപയോഗപ്പെടുത്താൻ കേരളത്തിന് കഴിയുന്നില്ലെങ്കിൽ,സംസ്ഥാനത്തിന് അനുവദിച്ച തുക മറ്റു സംസ്ഥാനങ്ങൾക്ക് ഉപയോഗപ്പെടുത്താനായി തിരിച്ചേല്പിക്കണം എന്നാണ്,ഗ്രാമീണ വികസന മന്ത്രാലയം അറിയിച്ചിട്ടുള്ളത്. പദ്ധതിയുടെ കീഴിൽ രാജ്യത്ത് പത്ത് മില്ല്യൺ വീടുകൾ പൂർത്തിയാക്കാനായി പ്രധാനമന്ത്രി 2019 മാർച്ച് 31 വരെയാണ് സമയം നൽകിയിരിക്കുന്നത്.

സംസ്ഥാന സർക്കാർ മറ്റൊരു സ്കീമിൽ ഉയർന്ന സബ്സിഡി നൽകി വരുന്നത് കൊണ്ടാണ് കേരളത്തിൽ പ്രധാൻ മന്ത്രി ആവാസ് യോജനയ്ക്കു സ്വീകാര്യത ഇല്ലാത്തതെന്ന് ഒരു മുതിർന്ന സർക്കാർ ഉദ്യോഗസ്ഥൻ അഭിപ്രായപ്പെട്ടു.

കേരള സർക്കാർ

പാവപെട്ട ഒരാൾക്ക് വീടുവയ്ക്കാൻ 4 ലക്ഷം രൂപ സബ്സിഡിയാണ് കേരള സർക്കാർ നൽകി വരുന്നത്.അതേസമയം ആവാസ് യോജന പദ്ധതി പ്രകാരം ലഭിക്കുക 1.2-1.3 ലക്ഷം രൂപ വരെയാണ്.കഴിഞ്ഞ ഒക്ടോബറിൽ ടി.ആർ.എസ് ഭരിക്കുന്ന തെലങ്കാനയും,ഇതേ സാഹചര്യം നേരിട്ടിരുന്നു,തെലങ്കാന സംസ്ഥാനത്തിനോടും ആവാസ് യോജനയ്ക്കായി അനുവദിച്ച തുക മടക്കി തരാൻ കേന്ദ്രം ആവശ്യപ്പെട്ടിരുന്നു.പിഎംഎജി (ജി) പ്രകാരം 190 കോടി രൂപയാണ് 70,674 വീടുകൾ നിർമിക്കുവാനായി തെലങ്കാനയ്ക്ക് അനുവദിച്ചത്,എന്നാൽ പദ്ധതിയുടെ കീഴിൽ ഒരു ഭവനം പോലും സംസ്ഥാനത്തു നിർമിച്ചില്ല.