ബിസിനസ്സിന്റെ 78 ശതമാനവും സ്‌പെഷ്യാലിറ്റി കെമിക്കല്‍സിലാണ്്. ഈ മേഖലയില്‍ കമ്പനിയ്ക്ക് വ്യക്തമായ കുത്തകയും നിലവിലുണ്ട്. ഫാര്‍മസ്യൂട്ടിക്കല്‍ മേഖലയില്‍ 15 ശതമാനവും ഹോം ആന്റ് പേഴ്‌സണല്‍ കെയര്‍ ബിസിനസ്സില്‍ ബാക്കിയുള്ള ഏഴ് ശതമാനവും ഇടപെടുന്നു.

കഴിഞ്ഞ പത്ത് വര്‍ഷത്തെ കണക്ക് നോക്കുകയാണെങ്കില്‍ 45 മടങ്ങ് വര്‍ധനവാണ് ഉണ്ടായിട്ടുള്ളത്. ഉദാഹരണത്തിന് 2009 ജനുവരി ഒന്ന് ഓഹരിയില്‍ 10000 രൂപ നിക്ഷേപിച്ച ഒരാള്‍ക്ക് ഡിസംബര്‍ 31 2018ല്‍ ലഭിച്ചത് 4.5 ലക്ഷം രൂപയാണ്.

ആക്‌സിസ് സെക്യൂരിറ്റീസിനെ പോലുള്ള ബ്രോക്കറേജ് സ്ഥാപനങ്ങള്‍ 2019ലെയും മികച്ച ഓഹരികളിലൊന്നായി ആര്‍തിയെ വാഴ്ത്തുന്നുണ്ട്. ഇപ്പോള്‍ ദേശീയ ഓഹരി സൂചികയായ എന്‍എസ്ഇയില്‍ 1494.10ന് ട്രേഡിങ് നടത്തുന്ന ഓഹരി 1740 എന്ന ടാര്‍ജറ്റില്‍ വാങ്ങി സൂക്ഷിക്കാവുന്നതാണെന്ന് ഓഹരി വിദഗ്ധര്‍ അഭിപ്രായപ്പെടുന്നുണ്ട്.

ഇതുവരെയുള്ള ചരിത്രം പരിശോധിച്ചാല്‍ കമ്പനിയുടെ ഏറ്റവും കുറഞ്ഞ വളര്‍ച്ചാനിരക്ക് 16 ശതമാനമാണ്. 2020ല്‍ കമ്പനി 24 ശതമാനമെങ്കിലും നേട്ടമുണ്ടാക്കുമെന്നാണ് ഇതുവരെയുള്ള സൂചനകള്‍ വ്യക്തമാക്കുന്നത്. കമ്പനിക്ക് 17 നിര്‍മാണ ഫാക്ടറികളുണ്ട്. 200 ഉത്പന്നങ്ങള്‍ ഏറ്റവും ചുരുങ്ങിയത് 60 രാജ്യങ്ങളിലേക്ക് കയറ്റി അയയ്ക്കുന്നുണ്ട്. വരുമാനത്തിന്റെ 45 ശതമാനവും ലഭിക്കുന്നത് ഇതിലൂടെയാണ്.