മുംബൈ: പുതിയ ആഴ്ചയില് നേട്ടത്തോടെ വ്യാപാരം തുടങ്ങിയ ഇന്ത്യന് ഓഹരി വിപണിയില് ചൊവ്വാഴ്ച നഷ്ടത്തിന്റെ ദിവസം. ബിഎസ്ഇ 134.32 പോയിന്റും നിഫ്റ്റി 39.10 പോയിന്റുമാണ് നഷ്ടം രേഖപ്പെടുത്തിയത്.
ഓട്ടോമൊബൈല്, മെറ്റല്, പൊതുമേഖലാ ബാങ്കുകള് എന്നിവയുടെ ഓഹരികളില് പ്രകടമായ വില്പ്പന സമ്മര്ദ്ദമാണ് വിപണിയെ താഴേക്ക് വലിച്ചത്. ഐഎംഎഫിന്റെ ആഗോള വളര്ച്ചാ റിപ്പോര്ട്ട് പുറത്തുവന്നതാണ് വിറ്റഴിക്കല് നീക്കത്തിനു പിന്നിലെന്ന് കരുതുന്നു.
തുടര്ച്ചയായി അഞ്ച് ദിവസങ്ങള് നേട്ടത്തിലായതിനുശേഷമാണ് ഈ പിന്വാങ്ങല്. ദേശീയ ഓഹരി സൂചികയായ നിഫ്റ്റി 10922.75ലും മുംബൈ മാര്ക്കറ്റ് 36444.64ലുമാണ് ക്ലോസ് ചെയ്തത്.
കമ്പനികളുടെ മൂന്നാം പാദ സാമ്പത്തിക പാദഫലങ്ങള് പുറത്തുവരുന്നതും ഓഹരി വിപണിയിലെ തിരുത്തലിന് കാരണമാണ്. ഏഷ്യന് പെയിന്റ്,് ടിവിഎസ് മോട്ടോര്സ്, ഹാവല്സ് തുടങ്ങിയ കമ്പനികളുടെ ഫലം വരാനിരിക്കുകയാണ്.സണ് ഫാര്മ ഓഹരി വിലയിലുണ്ടായ ചാഞ്ചാട്ടമാണ് വിപണിയെ കാര്യമായി സ്വാധീനിച്ചത്.