ഫേസ് ബുക്കോ വാട്‌സ് ആപ്പോ നോക്കിയാൽ ഇപ്പോള്‍ ടിക് ടാക്, ഹെലോ വീഡിയോകളുടെ പ്രളയമാണ്. കൗമാരക്കാരെയും യുവാക്കളെയും ആകര്‍ഷിക്കുന്ന കാര്യത്തില്‍ ചൈനീസ് ആപ്പുകള്‍ വന്‍ മുന്നേറ്റമാണ് കാഴ്ചവെയ്ക്കുന്നത്. ഇതിനെ പ്രതിരോധിക്കാനെന്നോണം പുതിയൊരു ആപ്പുമായി ഫേസ് ബുക്ക് എത്തുന്നു. 

ആപ്പിന്റെ പേര് ലോല്‍(LOL) ആണെന്നാണ് പ്രാരംഭസൂചനകള്‍ വ്യക്തമാക്കുന്നത്. നിലവില്‍ നൂറോളം സ്‌കൂള്‍ വിദ്യാര്‍ത്ഥികളില്‍ ഇത് പരീക്ഷിച്ചുകൊണ്ടിരിക്കുകയാണ്. എന്നാല്‍ ഇത്തരമൊരു ആപ്പിനെ കുറിച്ച് ഫേസ് ബുക്ക് ഇതുവരെ ഔദ്യോഗികമായി യാതൊരു പ്രഖ്യാപനവും നടത്തിയിട്ടില്ല.

എന്നാല്‍ ഫേസ് ബുക്കിന്റെ ഈ നീക്കത്തിനോട് സോഷ്യല്‍മീഡിയ വിദഗ്ധര്‍ അനുകൂലമായല്ല പ്രതികരിക്കുന്നത്. ഇത്തരമൊരു ആപ്പിന്റെ വരവും അതുണ്ടാക്കുന്ന സ്വാധീനവും ഗുണകരമായിരിക്കില്ലെന്ന നിലപാടാണ് ഭൂരിഭാഗം പേര്‍ക്കുമുള്ളത്. ആപ്പ് ഉപയോഗിക്കാന്‍ മാതാപിതാക്കളുടെ അനുമതി വേണ്ടി വരുമെന്നതും കുട്ടികള്‍ അപ് ലോഡ് ചെയ്യുന്ന ഡാറ്റ എത്രമാത്രം സുരക്ഷിതമാണെന്നതും ആണ് പ്രധാന വെല്ലുവിളികള്‍.