നോട്ടുനിരോധനം ഖജനാവിലേക്ക് 1.3 ലക്ഷം കോടിയുടെ നികുതി വരുമാനമുണ്ടാക്കിയെന്ന് കേന്ദ്രമന്ത്രി പിയൂഷ് ഗോയല്. നോട്ട് നിരോധനത്തിന് ശേഷം രാജ്യത്തെ വളര്ച്ചാ നിരക്ക് 8.2 ശതമാനമായി ഉയര്ന്നെന്നും ബജറ്റില് മന്ത്രി വ്യക്തമാക്കി.
ബജറ്റ് 2019; തൊഴിലുറപ്പു പദ്ധതിക്ക് ഇത്തവണ 58,403.69 കോടി
കള്ളപ്പണത്തെ തുടച്ച് നീക്കാന് നോട്ട് നിരോധനം സഹായകമായി. അന്പതിനായിരം കോടിയുടെ അനധികൃത സ്വത്തുക്കളാണ് പിടിച്ചെടുത്തത്. 6900 കോടിയുടെ ബിനാമി സ്വത്തുക്കളും കണ്ടുകെണ്ട്. 3,38,000 ഷെല് കമ്പനികളെയാണ് കണ്ടെത്തിയത്. 16,000 കോടിയുടെ സ്വത്തുക്കകള് പിടിച്ചെടുത്തെന്നും മന്ത്രി പറഞ്ഞു.
ആദായ നികുതിയിലും ബജറ്റില് വന് ഇളവ് പ്രഖ്യാപിച്ചിരുന്നു. ആദായ നികുതി പരിധി അഞ്ച് ലക്ഷമാക്കിയാണ് ഉയര്ത്തിയത്. നിലവില് നികുതി അടയ്ക്കുന്ന 3 കോടി പേര്ക്ക് ഇതിന്റെ പ്രയോജനം ലഭിക്കും. ഈ വര്ഷം നിലവിലെ പരിധി തുടരും. 2.5 ലക്ഷമായിരുന്നു നികുതിയൊഴിവിനുള്ള പരിധി. 80 സി പ്രകാരമുള്ള ഇളവ് ഒന്നരലക്ഷം രൂപയില് തുടരുമെന്നും മന്ത്രി വ്യക്തമാക്കി.ഇതോടെ ആറരലക്ഷം രൂപവരെയുള്ളവര്ക്ക് ആദായ നികുതി നല്കേണ്ടതില്ല.
രാജ്യം സുസ്ഥിര വളര്ച്ചയുടെ പാതയില് മുന്നേറിയിതായി ബജറ്റ് പ്രസംഗത്തില് മന്ത്രി പറഞ്ഞു.ഇന്ത്യ വലിയ സാമ്പത്തിക ശക്തിയായി മാറിയെന്നും വിലപ്പെരുപ്പം താഴ്ത്താന് സാധിച്ചെന്നും മന്ത്രി പറഞ്ഞു.