മുംബൈ: ഏഴ് വര്‍ഷത്തിനിടയിലെ മികച്ച നേട്ടവുമായി സ്‌റ്റേറ്റ് ബാങ്ക് ഓഫ് ഇന്ത്യ. ഡിസംബറില്‍ അവസാനിച്ച മൂന്നാം പാദത്തില്‍ 3955 രൂപയുടെ ലാഭമാണ് കമ്പനി സ്വന്തമാക്കിയത്. കഴിഞ്ഞ വര്‍ഷം ഇതേകാലയളവില്‍ 2416 കോടിയുടെ നഷ്ടമായിരുന്നു രേഖപ്പെടുത്തിയത്. എസ്ബിഐ 3208 കോടിയുടെ ലാഭം കൊയ്യുമെന്നായിരുന്നു മേഖലയിലെ വിദഗ്ധരുടെ പ്രവചനം. 2012 മാര്‍ച്ചില്‍ 4050 കോടി രൂപയുടെ ലാഭം നേടിയതിനു ശേഷം ഇതാദ്യമായാണ് ഇത്രവലിയ നേട്ടം എസ്ബിഐ കൈവരിക്കുന്നത്.

എസിബിഐ ഇക്കാലയളവില്‍ നേടിയ ബിസിനസ് വളര്‍ച്ചയോടൊപ്പം നിഷ്‌ക്രിയ ആസ്തിയുടെ കാര്യത്തില്‍ കുറവുണ്ടാക്കാന്‍ സാധിച്ചതും മികച്ച നേട്ടം കൈവരിക്കാന്‍ സഹായിച്ചു. കിട്ടാക്കടത്തിനായി തുക വകയിരുത്തുന്നതിലുണ്ടായ കുറവായിരുന്നു നേട്ടത്തിന്റെ മറ്റൊരു കാരണം.

വ്യാപാരത്തിലുണ്ടായ നേട്ടം ഓഹരി വിപണിയിലും എസിബിഐയുടെ ഗ്രാഫുയര്‍ത്തി. 2.1 ശതമാനം കുറവ് രേഖപ്പെടുത്തിയ സ്ഥാനത്ത് പുതിയ വാര്‍ത്ത പുറത്തുവന്നതോടെ 3.1 ആയി ഉയര്‍ന്നു.