90,000 കോടിയുടെ നിക്ഷേപം;ജന്‍ധന്‍ അക്കൗണ്ട് മോദിയുടെ തട്ടിപ്പാണെന്നു പറയാന്‍ വരട്ടെ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ന്യൂഡല്‍ഹി: പ്രധാനമന്ത്രി നരേന്ദ്രമോദിയുടെ ജനപ്രിയ പദ്ധതികളിലൊന്നായ പ്രധാന്‍മന്ത്രി ജന്‍ ധന്‍ യോജന (പിഎംജെഡിവൈ) സ്‌കീമില്‍ ആരംഭിച്ച ജന്‍ധന്‍ അക്കൗണ്ടുകളില്‍ ഇതിനകം 90,000 കോടി രൂപയുടെ നിക്ഷേപമെത്തിയതായി കേന്ദ്ര മന്ത്രാലയം. പദ്ധതിയോടൊപ്പം ലഭിക്കുന്ന സൗജന്യ അപകട ഇന്‍ഷൂറന്‍സ് തുക ഒന്നില്‍ നിന്ന് രണ്ടു ലക്ഷമാക്കി ഉയര്‍ത്തിയതോടെയാണ് പദ്ധതി കൂടുതല്‍ ജനപ്രിയമായതെന്നാണ് വിലയിരുത്തല്‍.

ക്രമപ്രവൃദ്ധമായ വളര്‍ച്ച
 

ക്രമപ്രവൃദ്ധമായ വളര്‍ച്ച

2017 മാര്‍ച്ച് മുതല്‍ ക്രമപ്രവൃദ്ധമായി വളര്‍ന്നുകൊണ്ടിരിക്കുന്ന ജന്‍ ധന്‍ അക്കൗണ്ടിലെ നിക്ഷേപം 2019 ജനുവരി അവസാനമാവുമ്പോഴേക്കും 89,257.57 കോടി രൂപയായി ഉയര്‍ന്നതായി കേന്ദ്ര ധനകാര്യ മന്ത്രാലയം വ്യക്തമാക്കി. രാജ്യത്തെ എല്ലാ വീട്ടിലും ഒരു ബാങ്ക് അക്കൗണ്ട് എന്ന സ്വപ്‌നം യാഥാര്‍ഥ്യമാക്കുന്നതിന്റെ ഭാഗമായാണ് നരേന്ദ്ര മോദി സര്‍ക്കാര്‍ അധികാരത്തിലെത്തിയതിനു പിന്നാലെ 2014 ആഗസ്ത് 28ന് പ്രധാന്‍മന്ത്രി ജന്‍ ധന്‍ യോജന പ്രഖ്യാപിച്ചത്.

ഇന്‍ഷൂറന്‍സ് രണ്ട് ലക്ഷം

ഇന്‍ഷൂറന്‍സ് രണ്ട് ലക്ഷം

പദ്ധതിക്ക് ജനങ്ങളില്‍ നിന്ന് ലഭിച്ച ആവേശപൂര്‍വമായ പിന്തുണയുടെ പശ്ചാത്തലത്തിലാണ് 2018 ആഗസ്ത് 28നു ശേഷം ആരംഭിച്ച ജന്‍ ധന്‍ അക്കൗണ്ടുകള്‍ക്ക് ഇന്‍ഷൂറന്‍സ് കവറേജ് രണ്ടു ലക്ഷമാക്കി ഉയര്‍ത്തിയത്. അക്കൗണ്ടില്‍ പണമില്ലെങ്കിലും അടിയന്തര ഘട്ടങ്ങളില്‍ ഓവര്‍ ഡ്രാഫ്റ്റായി കടമെടുക്കാവുന്ന തുകയുടെ പരിധി 5000 രൂപയില്‍ നിന്ന് 10,000 രൂപയായി സര്‍ക്കാര്‍ ഉയര്‍ത്തുകയുമുണ്ടായി.

എല്ലാ മുതിര്‍ന്നവര്‍ക്കും അക്കൗണ്ട്

എല്ലാ മുതിര്‍ന്നവര്‍ക്കും അക്കൗണ്ട്

പദ്ധതിക്ക് ലഭിച്ച സ്വീകാര്യതയെ തുടര്‍ന്ന് എല്ലാ വീട്ടിലും ഒരു അക്കൗണ്ട് എന്ന മുദ്രാവാക്യം മാറ്റി 18 വയസ്സ് പൂര്‍ത്തിയായ എല്ലാവര്‍ക്കും ബാങ്ക് അക്കൗണ്ട് എന്ന രീതിയിലേക്ക് പദ്ധതി വ്യാപിക്കാനും സര്‍ക്കാര്‍ തയ്യാറായി. പുതിയ കണക്കുകള്‍ പ്രകാരം രാജ്യത്ത് 34.14 കോടി ജന്‍ധന്‍ അക്കൗണ്ടുകളാണുള്ളത്. 2015 മാര്‍ച്ച് 25ലെ കണക്കുകള്‍ അനുസരിച്ച് ഒരു ജന്‍ധന്‍ അക്കൗണ്ടിലുള്ള ശരാശരി ഡിപ്പോസിറ്റ് തുക 1,065 രൂപയായിരുന്നെങ്കില്‍ ഇന്നത് 2,615 രൂപയായി വര്‍ധിച്ചിട്ടുണ്ടെന്നും മന്ത്രാലയം വ്യക്തമാക്കി.

കൂടുതലും ഗ്രാമീണ സ്ത്രീകള്‍

കൂടുതലും ഗ്രാമീണ സ്ത്രീകള്‍

ജന്‍ധന്‍ അക്കൗണ്ട് ഹോള്‍ഡര്‍മാരില്‍ 53 ശതമാനവും സ്ത്രീകളാണെന്നതാണ് പദ്ധതിയുടെ മറ്റൊരു സവിശേഷത. എന്നു മാത്രമല്ല, 59 ശതമാനം അക്കൗണ്ടുകളും ഗ്രാമങ്ങളിലോ അര്‍ധ നഗരപ്രദേശങ്ങളിലോ നിന്നുള്ളവയാണ്. നിലവിലെ കണക്കുകള്‍ പ്രകാരം 27.26 കോടി അക്കൗണ്ട് ഉടമകള്‍ക്ക് സൗജന്യ ആക്‌സിഡന്റ് ഇന്‍ഷൂറന്‍സ് കവറേജോടു കൂടിയ റൂപെ ഡെബിറ്റ് കാര്‍ഡുകള്‍ ലഭ്യമാക്കിയിട്ടുണ്ട്.

English summary

rs 90000 crore deposits in jan dhan accounts

rs 90000 crore deposits in jan dhan accounts
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more