ദില്ലി: ജീവനക്കാരുടെ പ്രോവിഡന്റ് ഫണ്ടിലെ നിക്ഷേപത്തിനുള്ള പലിശ നിരക്ക് 2018-19 സാമ്പത്തിക വര്ഷം 8.55 ശതമാനമായി നിലനിര്ത്തുമെന്ന് റിപ്പോര്ട്ട്. ഫിബ്രവരി 21ന് നടക്കുന്ന എംപ്ലോയീസ് പ്രൊവിഡന്റ് ഫണ്ട് ഓര്ഗനൈസേഷന്റെ യോഗത്തിലാണ് ഈ സാമ്പത്തിക വര്ഷത്തെ പലിശനിരക്ക് പ്രഖ്യാപിക്കുക.
ഇന്ത്യന് റെയില്വെയെ കുറിച്ചുള്ള ഈ 25 കാര്യങ്ങള് നിങ്ങള്ക്കറിയാമോ?
ലോക്സഭ തെരഞ്ഞെടുപ്പ് വരാനിരിക്കുന്നതിനാല് 2017-18ലെ പ്രകാരം നടപ്പു സാമ്പത്തിക വര്ഷവും 8.55 ശതമാനം പലിശ നിരക്ക് തന്നെ തുടരാനാണ് സാധ്യത. അടുത്ത സാമ്പത്തിക വര്ഷത്തേക്കുള്ള ഇപിഎഫ്ഒയുടെ വരുമാന പദ്ധതികളും യോഗത്തില് ചര്ച്ച ചെയ്യും. എന്നാല്, ഈ സാമ്പത്തിക വര്ഷത്തെ ഇപിഎഫ് നിക്ഷേപങ്ങളുടെ പലിശ നിരക്ക് 8.55 ഉയര്ത്താനുള്ള സാധ്യതയും തള്ളിക്കളയാനാകില്ലെന്ന് സാമ്പത്തിക വിദഗ്ധര് ചൂണ്ടിക്കാണിക്കുന്നു.
ഇപിഎഫ്ഒയുടെ സുപ്രധാന തീരുമാനമെടുക്കുന്ന സ്ഥാപനമാണ് കേന്ദ്ര തൊഴില് വകുപ്പ് മന്ത്രി അധ്യക്ഷനായുള്ള സെന്ട്രല് ബോര്ഡ് ഓഫ് ട്രസ്റ്റീസ്. ഈ ബോര്ഡാണ് വരുന്ന സാമ്പത്തിക വര്ഷത്തേക്കുള്ള പിഎഫ് നിക്ഷേപങ്ങളില് പലിശനിരക്ക് നിശ്ചയിക്കുന്നത്. പലിശ നിരക്കില് സിബിടി അംഗീകാരം ലഭിച്ചാല്, ധനകാര്യ മന്ത്രാലയത്തിന്റെ അനുവാദത്തോടെ പലിശ നിരക്ക് ഉപഭോക്താക്കള്ക്കുള്ള അക്കൗണ്ടിലേക്ക് ക്രെഡിറ്റ് ചെയ്യപ്പെടും.
2017-18 കാലഘട്ടത്തില് ഇപിഎഫ്ഒ 5 വര്ഷത്തിനിടെയുള്ള ഏറ്റവും കുറഞ്ഞ പലിശ നിരക്കാണ് നല്കിയത്. അതായത് 8.55 ശതമാനം. 2016-17 ല് 8.65 ശതമാനവും 2015-16 ല് 8.8 ശതമാനവുമായിരുന്നു നിരക്ക്. 2013-14, 2014-15 വര്ഷങ്ങളില് ഇത് 8.75 ശതമാനമാണ്. 2012-13 ല് പലിശ നിരക്ക് 8.5 ശതമാനമായിരുന്നു.
മറ്റ് സുപ്രധാന വിഷയങ്ങളായ പുതിയ ഫണ്ട് മാനേജര്മാരുടെ നിയമനവും, ഇപിഎഫ്ഒയുടെ എക്സ്ചേഞ്ച് ട്രേഡ് ഫണ്ടുകളിലേക്കുള്ള നിക്ഷേപങ്ങളിലുള്ള അവലോകനവും അടുത്തയാഴ്ച ചേരുന്ന സിബിടി യോഗത്തില് ചര്ച്ച ചെയ്യും.