രാജ്യത്തെ ഏറ്റവും വലിയ കാർ നിർമാതാക്കളായ മാരുതി സുസുക്കി ഇന്ത്യ (എംഎസ്ഐ) രാജ്യത്ത് 132 നഗരങ്ങളിലായി 200 ഔട്ട്ലെറ്റുകളിൽ വ്യാപാരം ആരംഭിച്ചു എന്ന് എം എസ് ഐ സീനിയർ എക്സിക്യൂട്ടീവ് ഡയറക്ടർ മാർക്കറ്റിങ് ആൻഡ് സെയിൽസ് ആർ എസ്. കൽസി പറഞ്ഞു.19 മാസങ്ങൾക്ക് മുൻപ് പുതിയ ബ്രാൻഡ്, റീട്ടെയിൽ ഐഡന്റിറ്റിക്കൊപ്പം ട്രൂ വാല്യൂ നെറ്റ് വർക്ക് നവീകരിച്ചാണ് കമ്പനി ഈ നേട്ടം കൈവരിച്ചത്.

സെക്കൻഡ് ഹാൻഡ് കാറുകളുടെ വിപണി ദിവസം തോറും വളരുകയാണ് . ഉപപോക്താക്കൾ വിശ്വാസം അർപ്പിക്കുന്നത് അവരുടെ ആവശ്യങ്ങൾ മനസിലാകുന്ന കമ്പനികളെയാണ് എന്നും അദ്ദേഹം കൂട്ടി ചേർത്തു. മാരുതി സുസുക്കി ട്രൂ വാല്യു ഷോറൂമുകളുടെ നവീകരണം വഴി ഉപഭോക്താക്കൾക്ക് കൂടുതൽ മെച്ചപ്പെട്ട സേവനങ്ങളും മികച്ച ഉത്പന്നങ്ങളും കാർ വാങ്ങാനുള്ള അനായാസമായ സൗകര്യങ്ങളും നൽകുന്നു.