തുടർച്ചയായ മൂന്നാം ദിവസവും ഇന്ത്യൻ സൂചികകൾ മികച്ച നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 216.51 പോയിന്റ് ഉയർന്ന് 37752.17 ലും നിഫ്റ്റി 40.50 പോയിന്റ് ഉയർന്ന് 11341.70 ലുമാണ് ക്ലോസ് ചെയ്തത്.

1058 ഓഹരികൾ നേട്ടമുണ്ടാക്കിയപ്പോൾ 1641 ഓഹരികൾക്ക് ഇന്ന് നഷ്ടം നേരിട്ടു. 155 ഓഹരികൾ മാറ്റമില്ലാതെ വ്യാപാരം അവസാനിപ്പിച്ചു. ഇൻഡസ് ഇൻഡ് ബാങ്ക്, യെസ് ബാങ്ക്, ബജാജ് ഫിനാൻസ്, എച്ച് ഡി എഫ് സി ബാങ്ക്, എച്ച്പിസിഎൽ എന്നിവയാണ് നിഫ്റ്റിയിൽ നേട്ടമുണ്ടാക്കിയത്.

ഭാരതി എയർടെൽ, ഐ.ഒ.സി, വേദാന്ത, സീ എന്റർടെയിൻമെന്റ്, സൺ ഫാർമ എന്നീ ഓഹരികൾക്ക് നഷ്ടം നേരിട്ടു. ഇന്ത്യൻ രൂപ താരതമ്യേന നില മെച്ചപ്പെടുത്തിയിരിക്കുകയാണ്. വിനിമയനിരക്കിൽ ഡോളറിനെതിരെ 69.74 എന്ന നിരക്കിലാണ് ഇന്ന് രൂപ.

ബാങ്ക് നിഫ്റ്റി ഇന്ന് ആദ്യമായി 28,900ൽ എത്തി. സ്മാൾ ക്യാപ്, മിഡ് ക്യാപ് സൂചികകൾ 0.3 ശതമാനം താഴുകയും ചെയ്തു.

malayalam.goodreturns.in