സംസ്ഥാനത്ത് സ്വര്‍ണ വില ഉയർന്നു. പവന് 120 രൂപ കൂടി 23920 രൂപയ്ക്കാണ് ഇന്ന് വ്യാപാരം പുരോ​ഗമിക്കുന്നത്. ​ഗ്രാമിന് 2990 രൂപയും.
ഇന്നലെ പവന് 23800 രൂപയായിരുന്നു സ്വ‍ർണ വില. ഗ്രാമിന് 2975 രൂപയും.

ഈ മാസത്തെ ഏറ്റവും കുറഞ്ഞ നിരക്കിലാണ് ഇന്നലെ വ്യാപാരം നടന്നത്. ജനുവരിയ്ക്ക് ശേഷമുള്ള ഏറ്റവും കുറഞ്ഞ നിരക്കും 23800 രൂപയായിരുന്നു. ജനുവരിയിൽ പവന് 23440 രൂപ വരെ സ്വ‍ർണത്തിന് വില കുറഞ്ഞിരുന്നു. ആഗോള വിപണിയിലും ഇന്ന് സ്വ‍ർണ വിലയിൽ കുറവാണ് രേഖപ്പെടുത്തിയിരിക്കുന്നത്.

ഈ മാസത്തെ ഏറ്റവും കൂടിയ നിരക്ക് പവന് 24520 രൂപയാണ്. മാർച്ച് ഒന്നിനാണ് ഈ നിരക്കിൽ വിൽപ്പന നടന്നത്.

ഫെബ്രുവരി 20 നാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. ഗ്രാമിന് 3,145 രൂപയും പവന് 25,160 രൂപയുമായിരുന്നു അന്നത്തെ സ്വര്‍ണ വില.

 malayalam.goodreturns.in