ഡെറാഡൂണ്‍: പുണ്യ നഗരത്തിലെ നിയമങ്ങള്‍ക്കു വിരുദ്ധമായി മാംസാഹാരങ്ങള്‍ ഡെലിവറി ചെയ്ത സൊമാറ്റോ, സ്വിഗ്ഗി എന്നീ കാറ്ററിംഗ് സര്‍വീസുകള്‍ക്ക് നോട്ടീസ്. ഉത്തരാഖണ്ഡ് ആരോഗ്യവകുപ്പ് ഉദ്യോഗസ്ഥരാണ് ഇരു കമ്പനികള്‍ക്കും നോട്ടീസ് നല്‍കിയത്. സിറ്റി മജ്‌സിട്രേറ്റ് ജഗദീഷ് ലാലിന് ഇതുമായി ബന്ധപ്പെട്ട് പ്രദേശവാസികള്‍ നല്‍കിയ പരാതിയെ തുടര്‍ന്നായിരുന്നു നടപടി.

ഇതുമായി ബന്ധപ്പെട്ട് നടത്തിയ അന്വേഷണത്തില്‍ ഇരു കമ്പനികള്‍ക്കും ഫുഡ് സേഫ്റ്റി ആന്റ് സ്റ്റാന്റേര്‍ഡ് അതോറിറ്റി ഓഫ് ഇന്ത്യയുടെ ലൈസന്‍സ് ഇല്ലെന്നു വ്യക്തമായി. ഇതേത്തുടര്‍ന്നാണ് ഇരു സ്ഥാപനങ്ങള്‍ക്കും നോട്ടീസ് നല്‍കാന്‍ അധികൃതര്‍ തീരുമാനിച്ചത്. ഹരിദ്വാറിലെ പ്രാദേശിക നിയമങ്ങള്‍ ലംഘിച്ചതിനും നാട്ടുകാരുടെ വികാരം വ്രണപ്പെടുത്തുന്ന രീതിയില്‍ പ്രവര്‍ത്തിച്ചതിനും സ്ഥാപനങ്ങള്‍ക്കെതിരേ നടപടിയെടുക്കുമെന്ന് ഉദ്യോഗസ്ഥര്‍ അറിയിച്ചു.

ലാന്റിംഗ് ഗിയര്‍ താഴ്ത്താന്‍ മറന്നു; ബോയിംഗ് വിമാനം രക്ഷപ്പെട്ടത് തലനാരിഴയ്ക്ക്, രണ്ട് എയര്‍

തങ്ങളുടെ ഭാഗത്തുനിന്ന് തെറ്റു സംഭവിച്ചതായും ബോധപൂര്‍വമല്ലെന്നും നിര്‍വ്യാജം ഖേദിക്കുന്നതായും ഇരു കമ്പനികളും അറിയിച്ചു. ഇനി മുതല്‍ ഇക്കാര്യത്തില്‍ ജാഗ്രത പുലര്‍ത്തുമെന്നും നോണ്‍വെജ് ഭക്ഷണം ഇനി മുതല്‍ ഇവിടെ വിതരണം ചെയ്യില്ലെന്നും വക്താക്കള്‍ പറഞ്ഞു.