കണക്കുകൾ ഇങ്ങനെ

കഴിഞ്ഞ ദിവസത്തെ കണക്കനുസരിച്ച് അണക്കെട്ടുകളില്‍ 50.69 ശതമാനം വെള്ളമാണ് ഉള്ളത്. 2098.73 ദശലക്ഷം യൂണിറ്റ് വൈദ്യുതി ഉല്‍പാദിപ്പിക്കുന്നതിനു ആവശ്യമായ വെള്ളം മാത്രമാണ് സംഭരണികളില്‍ ഉളളത്. കഴിഞ്ഞ വര്‍ഷം ഇതേ ദിവസം അണക്കെട്ടുകളില്‍ ജലനിരപ്പ് 52.13 ശതമാനമായിരുന്നു.

ഉപയോ​ഗം കൂടുന്നു

വേനൽച്ചൂട് ശക്തമായതോടെ സംസ്ഥാനത്തെ വൈദ്യുതി ഉപയോഗം കുതിച്ചുയരുകയാണ്. എസ്എസ്എല്‍സി പരീക്ഷ കൂടി തുടങ്ങിയതോടെയാണ് ഉപയോഗം വീണ്ടും ഉയര്‍ന്നു. ഇതുവഴി കറണ്ട് ബില്ലും കുതിച്ചുയരും. പ്രതിദിനം ശരാശരി വൈദ്യുതി ഉപയോഗം 73 ദശലക്ഷം യൂണിറ്റ് എന്നത് 77 ദശലക്ഷം യൂണിറ്റിന് മുകളിലെത്തി. ഈ സീസണിലെ ഏറ്റവും വലിയ വൈദ്യുതി ഉപയോഗം ഫെബ്രുവരി 28 നായിരുന്നു.

മഴ വൈകും

സംസ്ഥാനത്ത് ഉടൻ മഴ പെയ്യാനുള്ള സാധ്യത കുറവാണെന്നും 76 ദിവസത്തിനു ശേഷം മാത്രമേ മഴ ലഭിക്കൂ എന്നുമാണ് കെഎസ്ഇബിയുടെ നി​ഗമനം. നിലവിലെ സാഹചര്യത്തില്‍ മഴക്കാലം വരെ വൈദ്യുതി ഉല്‍പാദിപ്പിക്കാനുള്ള വെള്ളമേ ഡാമുകളിൽ ഉള്ളൂ.

പവർ കട്ട് ഒഴിവാക്കും

വേനൽ കാലത്തു പവർ കട്ട് ഒഴിവാക്കുമെന്നും പ്രതിസന്ധി അനുഭവപ്പെട്ടാൽ പുറത്തു നിന്നു വൈദ്യുതി എത്തിച്ച് വിതരണം ചെയ്യുമെന്നും മന്ത്രി എം.എം.മണി വ്യക്തമാക്കിയിരുന്നു.