ഇന്നലത്തെ വില

കഴിഞ്ഞ രണ്ട് ദിവസമായി 23,920 രൂപയായിരുന്നു പവന്റെ വില. ശനിയാഴ്ച്ച മുതലാണ് ഈ വിലയ്ക്ക് വ്യാപാരം തുടങ്ങിയത്. ഇന്നലെയും ഇതേ വില തുടർന്നു. ഗ്രാമിന് 2990 രൂപയാണ് വില.

ഈ മാസത്തെ ഏറ്റവും കുറഞ്ഞ വില

പവന് 23720 രൂപയാണ് ഈ മാസത്തെ ഏറ്റവും കുറഞ്ഞ വില. മാർച്ച് 22നാണ് ഈ വിലയ്ക്ക് വ്യാപാരം നടന്നത്. ജനുവരിക്ക് ശേഷമുള്ള ഏറ്റവും കുറഞ്ഞ നിരക്കാണ് ഇത്.

ഈ മാസത്തെ ഏറ്റവും കൂടിയ വില

ഈ മാസത്തെ ഏറ്റവും കൂടിയ നിരക്ക് പവന് 24520 രൂപയാണ്. മാർച്ച് ഒന്നിനാണ് ഈ നിരക്കിൽ വിൽപ്പന നടന്നത്. ഫെബ്രുവരി 20 നാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. ഗ്രാമിന് 3,145 രൂപയും പവന് 25,160 രൂപയുമായിരുന്നു അന്നത്തെ സ്വര്‍ണ വില.

സ്വര്‍ണത്തോട് താത്പര്യം കുറയുന്നു

സ്വര്‍ണത്തോട് ഇന്ത്യക്കാരുടെ താത്പര്യം കുറഞ്ഞു വരുന്നതായാണ് അടുത്തിടെ പുറത്തു വന്ന ചില റിപ്പോർട്ടുകൾ. 2010 മുതല്‍ രാജ്യത്ത് സ്വര്‍ണത്തിന്റെ ഡിമാന്റ് അഞ്ച് ശതമാനം വരെ കുറഞ്ഞിട്ടുണ്ടെന്ന് കണക്കുകൾ വ്യക്തമാക്കുന്നു.