സംസ്ഥാനത്ത് സ്വർണ വില കുത്തനെ ഇടിഞ്ഞു. പവന് 240 രൂപ കുറഞ്ഞ് 23600 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 30 രൂപ കുറഞ്ഞ് 2950 രൂപയാണ് വില.
മാസാവസാനം വില താഴേയ്ക്ക്
മാസാവസാനം ആയതോടെ ഈ ആഴ്ച്ച സ്വർണ വിലയുടെ ഗ്രാഫ് കുത്തനെ താഴേയ്ക്കാണ്. ഇന്നലെ പവന് 23840 രൂപയും ഗ്രാമിന് 2980 രൂപയുമായിരുന്നു വില.
ഈ മാസത്തെ ഏറ്റവും കുറഞ്ഞ വില
ഇന്നത്തെ വിലയാണ് ഈ മാസത്തെ ഏറ്റവും കുറഞ്ഞ വില. ജനുവരിക്ക് ശേഷമുള്ള ഏറ്റവും കുറഞ്ഞ നിരക്കാണ് ഇത്. ജനുവരിയിൽ സ്വർണ വില 23440 രൂപ വരെ കുറഞ്ഞിരുന്നു. ആഭരണ ആവശ്യകത കുറഞ്ഞതാണ് വില കുറയാനുള്ള പ്രാധാന കാരണം.
ഈ മാസത്തെ ഏറ്റവും കൂടിയ വില
ഈ മാസത്തെ ഏറ്റവും കൂടിയ നിരക്ക് പവന് 24520 രൂപയാണ്. മാർച്ച് ഒന്നിനാണ് ഈ നിരക്കിൽ വിൽപ്പന നടന്നത്. ഫെബ്രുവരി 20 നാണ് ചരിത്രത്തിലെ ഏറ്റവും ഉയര്ന്ന വില സ്വര്ണത്തിന് രേഖപ്പെടുത്തിയത്. ഗ്രാമിന് 3,145 രൂപയും പവന് 25,160 രൂപയുമായിരുന്നു അന്നത്തെ സ്വര്ണ വില.
ഡൽഹി ബുള്ളിയൻ
തുടർച്ചയായ തളർച്ചയ്ക്കൊടുവിൽ ഡൽഹി ബുള്ളിയനിൽ ഇന്നലെ ഉണർവ് രേഖപ്പെടുത്തിയിരുന്നു. 10 ഗ്രാം സ്വര്ണത്തിനു 35 രൂപ വര്ധിച്ച് 33,095 രൂപയിലാണ് ഇന്നലെ വ്യാപാരം നടന്നത്. ബുള്ളിയന് വിപണിയില് വില ഉയര്ന്നപ്പോള് പ്രാദേശിക വിപണികളില് സ്വര്ണവില കുറഞ്ഞു.
ആഗോള വിപണി
രാജ്യാന്തര വിപണിയില് സ്വര്ണം ഓണ്സിന് 1,310.78 ഡോളറും വെള്ളി ഔണ്സിന് 15.32 ഡോളറുമാണ് ഇന്നലത്തെ നിരക്ക്.
malayalam.goodreturns.in