നൂലാമാലകളില്ല, ബാങ്കിൽ പോകേണ്ട, ഉടൻ വായ്പ; ഐസിഐസിഐ ബാങ്കിന്റെ പുത്തൻ പദ്ധതി

ലോണിന് അർഹരായവർ

ശമ്പളക്കാരായ ഉദ്യോ​ഗസ്ഥരാണ് ഐസിഐസിഐ ബാങ്കിന്റെ ഈ ഹോം ലോണിന് അർഹരായവർ. ഒരു കോടി രൂപ വരെ 30 വർഷ കാലാവധിയിലേയ്ക്ക് വരെ ഉപഭോക്താക്കൾക്ക് ലഭിക്കും. അപേക്ഷകന്റെ പ്രായം കൂടി പരി​ഗണിച്ചാകും കാലാവധി നിശ്ചയിക്കുന്നത്.

ഇന്റർനെറ്റ് ബാങ്കിം​ഗ് വഴി

ലോണിന് അപേക്ഷിക്കാനോ പേപ്പർ വർക്കുകൾക്കോ ബാങ്കിൽ പോകുകയോ ക്യൂ നിൽക്കുകയോ വേണ്ട എന്നതാണ് ഏറ്റവും ആകർഷകമായ കാര്യം. ഇന്റർനെറ്റ് ബാങ്കിംഗ് സൗകര്യം ഉപയോ​ഗിച്ച് വായ്പയെടുക്കാം.

ഇൻസ്റ്റാ ടോപ് അപ് ലോൺ

ഇൻസ്റ്റാ ടോപ് അപ് ലോൺ ആണ് ബാങ്കിന്റെ മറ്റൊരു വായ്പാ പദ്ധതി. ഈ പദ്ധതി പ്രകാരം നിലവിൽ വായ്പ എടുത്തവർക്ക് 20 ലക്ഷം രൂപ വരെ അധികമായി എടുക്കാം. 10 വർഷം വരെയാണ് ഇതിന് അധികമായി ലഭിക്കുന്ന കാലാവധി. ഈ ലോണും പേപ്പർ വർക്കുകളുടെ ആവശ്യമില്ല. നെറ്റ് ബാങ്കിം​ഗ് വഴി വായ്പാ തുക അക്കൗണ്ടിലെത്തും.

പലിശ നിരക്ക്

അഞ്ച് ലക്ഷം മുതൽ 10 കോടി വരെയുള്ള വായ്പകയ്ക്ക് 8.85 ശതമാനം മുതൽ 9.05 ശതമാനം വരെയാണ് ഐസിഐസിഐ ബാങ്ക് ഭവന വായ്പകളുടെ പലിശ നിരക്ക്. 3 മുതൽ 30 വർഷം വരെയാണ് തിരിച്ചടവ് കാലാവധി.