Click it and Unblock the Notifications
135 സ്റ്റാര്ട്ടപ്പുകള്ക്ക് നികുതിയിളവ്; എയ്ഞ്ചല് ടാക്സ് അടക്കേണ്ടതില്ലെന്ന് സിബിഡിടി
ദില്ലി: രാജ്യത്തെ വളര്ന്നുവരുന്ന സംരംഭകര്ക്ക് ആശ്വാസവും പ്രതീക്ഷയുമായി സെന്ട്രല് ബോര്ഡ് ഓഫ് ഡയരക്ട് ടാക്സസിന്റെ പുതിയ തീരുമാനം. തെരഞ്ഞെടുക്കപ്പെട്ട 135 സ്റ്റാര്ട്ടപ്പുകളെ എയ്ഞ്ചല് ടാക്സില് നിന്നൊഴിവാക്കാനാണ് സിബിഡിടി തീരുമാനിച്ചിരിക്കുന്നത്. ചെറുകിട സംരംഭകര്ക്ക് ആശ്വസിക്കാന് വകനല്കുന്നതാണ് പുതിയ തീരുമാനം. ഇതുമായി ബന്ധപ്പെട്ട് ഇന്ഡസ്ട്രിയല് പോളിസി ആന്റ് പ്രൊമോഷന് വകുപ്പ് സ്റ്റാര്ട്ടപ്പുകളില് നിന്ന് ഫെബ്രുവരിയില് അപേക്ഷകള് ക്ഷണിച്ചിരുന്നു. 25 കോടി രൂപയില് കവിയാത്ത മൂലധനമുള്ള സ്റ്റാര്ട്ടപ്പുകളില് നിന്നായിരുന്നു അപേക്ഷ ക്ഷണിച്ചത്. ഇതുപ്രകാരം 170 സംരംഭക കമ്പനികള് നികുതിയിളവ് തേടി അപേക്ഷ നല്കി.
സ്റ്റാര്ട്ടപ്പുകള് മൂലധനസമാഹരണത്തിന്റെ ഭാഗമായി സ്വരൂപിക്കുന്ന തുകയ്ക്ക് നല്കേണ്ട ആദായ നികുതിയാണ് എയ്ഞ്ചല് ടാക്സ്. ആദായനികുതി നിയമത്തിന്റെ 56(2)7ബി സെക്ഷന് പ്രകാരം നല്കേണ്ട ഈ നികുതി ഒഴിവാക്കി നല്കുന്നത് പുതുസംരംഭകര്ക്ക് വലിയ ആശ്വാസമാവുമെന്നാണ് വിലയിരുത്തപ്പെടുന്നത്. അതേസമയം, എയ്ഞ്ചല് ടാക്സ് ഒഴിവാക്കി നല്കിയെങ്കിലും നികുതി നല്കണമെന്നാവശ്യപ്പെട്ടുള്ള നോട്ടീസുകള് സ്റ്റാര്ട്ടപ്പുകള്ക്ക് ലഭിച്ചത് വലിയ പരാതികള്ക്കി ഇടം നല്കിയിരുന്നു.
എയ്ഞ്ചല് ടാക്സില് നിന്ന് ഒഴിവാക്കപ്പെട്ട സ്റ്റാര്ട്ടപ്പുകളുടെ വിവരങ്ങള് ഇതുമായി ബന്ധപ്പെട്ട വകുപ്പ് പിഡിഎഫ് ഫോര്മാറ്റിലാണ് പ്രത്യക്ഷ നികുതി വകുപ്പിന് നല്കിയിരുന്നത്. ഇത് ഓരോന്നും മാന്വലായി പരിശോധിച്ച ശേഷമാണ് സ്റ്റാര്ട്ടപ്പുകളെ നികുതിയില് നിന്നൊഴിവാക്കിയ കാര്യം ഉപഭോക്താക്കളെ അറിയിക്കുന്നത്. ഈ കാലതാമസം ഒഴിവാക്കാന് വിവരങ്ങള് ഡിജിറ്റല് രൂപത്തില് നല്കുന്നതിനുള്ള നടപടികള് ആരംഭിച്ചതായും ബന്ധപ്പെട്ട വകുപ്പുകള് അറിയിച്ചു.
Sign in with Google