7.42 ശതമാനം വര്‍ധന

ഡയരക്ടറേറ്റ് ജനറല്‍ ഓഫ് സിവില്‍ ഏവിയേഷന്റെ പുതിയ കണക്കുകള്‍ പ്രകാരം 2019 ജനുവരി, ഫെബ്രുവരി മാസങ്ങളില്‍ യാത്രക്കാരുടെ എണ്ണത്തില്‍ മുന്‍വര്‍ഷത്തെക്കാള്‍ 7.42 ശതമാനം വര്‍ധനയാണ് ഉണ്ടായിരിക്കുന്നത്. പ്രധാനമായും ഇന്‍ഡിഗോ, സ്‌പൈസ് ജെറ്റ്, ഗോ എയര്‍, വിസ്താര കമ്പനികളാണ് പുതിയ റൂട്ടുകളും വിമാന നിരക്കില്‍ കുറവുകളുമായി രംഗത്തെത്തിയിരിക്കുന്നത്.

പുതിയ അഭ്യന്തര സര്‍വീസുകളുമായി ഇന്‍ഡിഗോ

മുംബൈയില്‍ നിന്നും ഡല്‍ഹിയില്‍ നിന്നുമാണ് പുതിയ വിമാനങ്ങള്‍ ഇന്‍ഡിഗോ എയര്‍ലൈന്‍സ് പ്രഖ്യാപിച്ചിരിക്കുന്നത്. മുംബൈയില്‍ നിന്ന് അഹ്മദാബാദ്, ഗോവ, അമൃതസര്‍, ചെന്നൈ, ബെംഗളൂരൂ എന്നിവിടങ്ങളിലേക്കുള്ള പുതിയ സര്‍വീസുകള്‍ മെയ് അഞ്ചിന് ആരംഭിക്കും. ഡല്‍ഹിയില്‍ നിന്ന് നാഗ്പൂര്‍, കൊല്‍ക്കത്ത, ഭുവനേശ്വര്‍, ഭോപ്പാല്‍ എന്നിവിടങ്ങളിലേക്കുള്ള പുതിയ സര്‍വീസുകള്‍ മെയ് 10 മുതലാണ് തുടങ്ങുക.

സ്‌പൈസ് ജെറ്റിന് കൂടുതല്‍ വിദേശ സര്‍വീസുകള്‍

പുതിയ ആഭ്യന്തര സര്‍വീസുകള്‍ക്കു പുറമെ അന്താരാഷ്ട്ര സര്‍വീസുകളും പ്രഖ്യാപിച്ചിരിക്കുകയാണ് സ്‌പൈസ് ജെറ്റ്. മുബൈയില്‍ നിന്ന് ഹോങ്കോംഗ്, ജിദ്ദ, ദുബൈ, കൊളംബോ, ധാക്ക, റിയാദ്, ബാങ്കോക്ക്, കാഠ്മണ്ഠു എന്നിവിടങ്ങളിലേക്ക് നേരിട്ടുള്ള വിമാനങ്ങളാണ് സ്‌പൈസ് ജെറ്റ് പറത്തുക. മുബൈ, ഡല്‍ഹി നഗരങ്ങളില്‍ നിന്നാണ് പുതിയ ആഭ്യന്തര സര്‍വീസുകള്‍.

നിരക്കിളവുമായി ഗോ എയര്‍

നിശ്ചിത കാലയളവിലേക്ക് എല്ലാം ഉള്‍പ്പെടെ 1375 രൂപയിലാണ് ഗോ എയറിന്റെ ആഭ്യന്തര ടിക്കറ്റ് നിരക്ക് തുടങ്ങുന്നത്. ഏപ്രില്‍ 25 വരെ ടിക്കറ്റ് ബുക്ക് ചെയ്യുന്നവര്‍ക്കാണ് ഈ നിരക്കിളവ് ലഭിക്കുക. ഇതിനു പുറമെ, അന്താരാഷ്ട്ര സര്‍വീസുകള്‍ക്ക് 7000 രൂപയിലും ആഭ്യന്തര സര്‍വീസുകള്‍ക്ക് 2765 രൂപയിലും തുടങ്ങുന്ന നിരക്കുകളും ഗോ എയര്‍ പ്രഖ്യാപിച്ചിട്ടുണ്ട്.

വിസ്താര

മുബൈ-ഡല്‍ഹി-മുംബൈ, മുംബൈ-ഗോവ-മുബൈ റൂട്ടുകളിലാണ് വിസ്താരയുടെ പുതിയ സര്‍വീസുകള്‍. ആഭ്യന്തര ടിക്കറ്റുകള്‍ക്ക് 10 ശമതാനം കിഴിവും കമ്പനി പ്രഖ്യാപിച്ചിട്ടുണ്ട്. തെരഞ്ഞെടുക്കപ്പെട്ട റൂട്ടുകളും നിശ്ചിത എണ്ണം ടിക്കറ്റുകള്‍ക്ക് മാത്രമാണ് ഈ രീതിയില്‍ നിരക്കിളവ് ലഭ്യമാവുകെയന്ന് വിസ്താരയുടെ വെബ്‌സൈറ്റായ airvistara.com അറിയിച്ചു.