മാറ്റമില്ലാതെ സ്വർണ വില

കഴി‍ഞ്ഞ നാല് ദിവസമായി പവന് 23480 രൂപയും ഗ്രാമിന് 2,935 രൂപയുമായിരുന്നു സ്വർണവില. ഏപ്രിൽ മാസത്തെ ഏറ്റവും കുറഞ്ഞ വിലയാണ് ഇത്. ജനുവരിയ്ക്ക് ശേഷമുള്ള ഏറ്റവും കുറഞ്ഞ വിലയും ഇത് തന്നെയാണ്. ഏപ്രിൽ ആദ്യവാരവും ഈ വിലയ്ക്ക് വിൽപ്പന നടന്നിരുന്നു. ഏപ്രിൽ മൂന്ന്, നാല് തീയതികളിലായിരുന്നു ഇത്. ഈ മാസത്തെ ഏറ്റവും കൂടിയ വില 23920 രൂപയാണ്.

മാർച്ചിലെ സ്വർണ വില

കഴിഞ്ഞ മാസത്തെ വില മാർച്ച് അവസാനം മുതൽ സ്വർണ വിലയുടെ ​ഗ്രാഫ് താഴേയ്ക്കാണ്. മാർച്ചിലെ ഏറ്റവും കുറഞ്ഞ വില 23600 രൂപയാണ്. കഴിഞ്ഞ മാസത്തെ ഏറ്റവും കൂടിയ നിരക്ക് പവന് 24520 രൂപയാണ്. മാർച്ച് ഒന്നിനാണ് ഈ നിരക്കിൽ വിൽപ്പന നടന്നത്. പിന്നീട് വില കുറയുകയായിരുന്നു.

ചരിത്രത്തിലെ ഏറ്റവും ഉയർന്ന വില

2019 ഫെബ്രുവരി 20 നാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. ഗ്രാമിന് 3,145 രൂപയും പവന് 25,160 രൂപയുമായിരുന്നു സ്വര്‍ണ നിരക്ക്.