മേയ് മാസത്തിന്റെ തുടക്കം

മേയ് മാസത്തിന്റെ തുടക്കം മുതൽ സ്വർണ വിലയിൽ കുറവാണ് രേഖപ്പെടുത്തുന്നത്. മെയ് 1, 2 തീയതികളിൽ തുടർച്ചയായി സ്വർണത്തിന് വില കുറഞ്ഞു. ഏപ്രില്‍ 30 ന് ഗ്രാമിന് 2,970 രൂപയും പവന് 23,760 രൂപയുമായിരുന്നു നിരക്ക്. രണ്ട് ദിവസം കൊണ്ട് പവന് 180 രൂപയുടെ കുറവാണ് ഉണ്ടായിരിക്കുന്നത്.

അക്ഷയ തൃതീയ

രാജ്യത്ത് ഏറ്റവുമധികം സ്വര്‍ണ വില്‍പ്പന നടക്കുന്ന ദിനമായ അക്ഷയതൃതീയ ഈ വര്‍ഷം മെയ് 7നാണ്. ഇതിനോടനുബന്ധിച്ച് സ്വർണ വിലയിൽ കാര്യമായ മാറ്റങ്ങളുണ്ടാകുമെന്ന പ്രതീക്ഷയിലാണ് ഉപഭോക്താക്കളും കച്ചവടക്കാരും. ഇനി വെറും അഞ്ച് ദിവസങ്ങൾ മാത്രമാണ് അക്ഷയതൃതീയയ്ക്കുള്ളത്. അക്ഷയ ത്രിതീയയ്ക്ക് സ്വര്‍ണ വാങ്ങുന്നത് ഉത്തമമാണെന്നാണ് ഭാരതീയ വിശ്വാസം.

ആവശ്യകത കൂടും

അക്ഷയ ത്രിതീയ പ്രമാണിച്ച് ഇത്തവണ സ്വര്‍ണത്തിന് ആവശ്യകത കൂടാന്‍ സാധ്യതയുണ്ടെന്നും. ഈ വര്‍ഷം രണ്ടാം പകുതിയില്‍ മികച്ച നേട്ടം സ്വര്‍ണത്തില്‍നിന്ന് ലഭിക്കുമെന്നുമാണ് വിദ​ഗ്ധരുടെ വിലയിരുത്തൽ.

ഏപ്രിലിലെ സ്വർണ വില

ഏപ്രിൽ മാസത്തെ ഏറ്റവും കുറഞ്ഞ വില പവന് 23480 രൂപയാണ്. ജനുവരിയ്ക്ക് ശേഷമുള്ള ഏറ്റവും കുറഞ്ഞ വിലയും ഇത് തന്നെയാണ്. ഏപ്രിലിലെ ഏറ്റവും കൂടിയ വില 23920 രൂപയാണ്. ഏപ്രിൽ 9നാണ് ഈ വിലയ്ക്ക് വ്യാപാരം നടന്നത്. 2019 ഫെബ്രുവരി 20 നാണ് ചരിത്രത്തിലെ ഏറ്റവും ഉയര്‍ന്ന വില സ്വര്‍ണത്തിന് രേഖപ്പെടുത്തിയത്. ഗ്രാമിന് 3,145 രൂപയും പവന് 25,160 രൂപയുമായിരുന്നു അന്നത്തെ നിരക്ക്.