റോജ പദ്ധതി അവതരിപ്പിച്ചു

ശങ്കരന്‍ രഘുനാഥന്‍ എന്നയാളുടെ നേതൃത്വത്തിലുള്ള യാത്രക്കാരുടെ സംഘമാണ് പദ്ധതി തയ്യാറാക്കി സമര്‍പ്പിച്ചത്. ബാങ്കുകള്‍ക്കു പുറമെ, ജെറ്റ് എയര്‍വെയ്‌സ് തൊഴിലാളി യൂനിയനുകള്‍, ബാങ്കര്‍മാര്‍, പൈലറ്റുമാര്‍, എഞ്ചിനീയര്‍മാര്‍ തുടങ്ങിയവര്‍ക്കും പദ്ധതി സമര്‍പ്പിച്ചിട്ടുണ്ട്. ജെറ്റ് എയര്‍വെയ്‌സില്‍ ഓഹരി പങ്കാളിത്തമുള്ളവരാണ് ഇവരെന്നാണ് അവകാശവാദം.

ജീവനക്കാര്‍ക്ക് ബാങ്ക് ലോണ്‍

റോജ പദ്ധതി പ്രകാരം 1500 കോടി രൂപയുടെ ബാങ്ക് ലോണ്‍ നിലവിലെ ജീവനക്കാര്‍ക്കായി വിതരണം ചെയ്യും. ജീവനക്കാരുടെ ആറു മാസത്തെ ശമ്പളം എന്ന രീതിയിലാണ് ഇത് നല്‍കുക. ബാങ്കുകളില്‍ നിന്ന് ജീവനക്കാര്‍ക്ക് വ്യക്തിഗത വായ്പ നല്‍കുന്ന രീതിയിലാണ് ഇത് സജ്ജീകരിച്ചിരിക്കുന്നത്. ഈ പണം ഉപയോഗിച്ച് എസ്ബിഐയുടെ ഓഹരിയില്‍ നിന്ന് 51 ശതമാനവും ഇത്തിഹാദ് എയര്‍വെയ്‌സിന്റെ ഓഹരിയില്‍ നിന്ന് 12.5 ശതമാനവും ജീവനക്കാര്‍ സ്വന്തമാക്കും. ഇതില്‍ ബാക്കി വരുന്ന 200 കോടി രൂപ ഉപയോഗിച്ച് കമ്പനിയുടെ പുതിയ ഓഹരികളും സ്വന്തമാക്കും. അതുവഴി ജെറ്റ് എയര്‍വെയ്‌സിന്റെ നിയന്ത്രണം ജീവനക്കാര്‍ക്കായി മാറും. ഇതോടൊപ്പം ജെറ്റ് എയര്‍വെയ്‌സിന്റെ സ്ഥിരം യാത്രക്കാരുടെ ടീം കൂടുതല്‍ മൂലധനം സ്വരൂപിക്കാനും റോജ പദ്ധതിയിടുന്നു.

ടിക്കറ്റ് വില്‍പ്പനയിലൂടെ 8000 കോടി

മുന്‍കൂറായി ടിക്കറ്റുകള്‍ വില്‍പ്പന നടത്തുന്നതിലൂടെ 8000 കോടി രൂപ സ്വരൂപിക്കാമെന്നും പദ്ധതി കണക്കുകൂട്ടുന്നു. സ്ഥിരം യാത്രക്കാര്‍ക്ക് ബാങ്കുകള്‍ വ്യക്തിഗത വായ്പ നല്‍കുകയും അതുപയോഗിച്ച് 40,000 രൂപയ്ക്കുള്ള നാലു ടിക്കറ്റുകള്‍ സ്വന്തമാക്കുകയും ചെയ്യും. രണ്ട് വര്‍ഷം കാലാവധിയുള്ളതായും ടിക്കറ്റുകള്‍. ഇതുവഴി 12,000 കോടി രൂപ കണ്ടെത്താനാവുമെന്നാണ് കണക്കുകൂട്ടല്‍. ഇങ്ങനെ സ്വരൂപിക്കുന്ന 20,000 കോടി രൂപ ഉപയോഗിച്ച് കമ്പനിക്ക് പ്രവര്‍ത്തന മൂലധനം കണ്ടെത്താനും കടങ്ങള്‍ വീട്ടാനും സാധിക്കുമെന്നും റോജ പദ്ധതി പ്രതീക്ഷിക്കുന്നു.