നേട്ടം ആർക്കൊക്കെ?

മൾട്ടിപ്പിൾ എൻട്രി വിസയുടെ നേട്ടങ്ങൾ ലഭിക്കുന്നത് താഴെ പറയുന്ന വിഭാ​ഗക്കാർക്കാണ്.

• നിക്ഷേപകർ
• വിദ്യാർഥികൾ
• ജോലി തേടിയെത്തുന്നവർ
ഈ മൂന്ന് വിഭാ​ഗക്കാർക്കായി മൂന്ന് പുതിയ സേവനങ്ങളാണ് രാജ്യത്ത് പ്രഖ്യാപിച്ചിരിക്കുന്നത്.



പുതിയ സേവനങ്ങൾ

താഴെ പറയുന്നവയാണ് യുഎഇ താമസകുടിയേറ്റ വകുപ്പ് അം​ഗീകാരം നൽകിയിരിക്കുന്ന മൂന്ന് പുതിയ വിസാ സേവനങ്ങൾ


• നിക്ഷേപകർക്ക് താമസ സൗകര്യം ഏർപ്പെടുത്തുന്നതിനായി ഒന്നിലധികം പ്രാവശ്യം രാജ്യത്ത് പ്രവേശിക്കാനുള്ള ആറ് മാസത്തെ വിസ
• സംരംഭകർക്കും മികച്ച വിദ്യാർത്ഥികൾക്കും ദീർഘകാല റെസിഡൻസി പ്രക്രിയ പൂർത്തിയാക്കുന്നതിന് വേണ്ടിയുള്ള ഒന്നിലധികം പ്രവേശനമുള്ള ആറുമാസ വിസ
• കഴിവുള്ള വ്യക്തികൾക്ക് റെസിഡൻസി നടപടികൾ പൂർത്തിയാക്കുന്നതിന് വേണ്ടിയുള്ള ഒരു എൻട്രി മാത്രമുള്ള ആറുമാസ വിസ



ആവശ്യക്കാർ നിരവധി

യുഎഇയിൽ മൾട്ടിപ്പിൾ എന്‍ട്രി വിസക്ക് ആവശ്യം വർദ്ധിച്ചു വന്നതാണ് പുതിയ നടപടി സ്വീകരിക്കാൻ അധികൃതർ തീരുമാനിച്ചത്. കഴിഞ്ഞ വർഷം ലഭിച്ച 6 മാസ വിസയുടെ അപേക്ഷകൾ നൽകിയ 6000ൽ അധികം നിക്ഷേപകർ മൾട്ടിപ്പിൾ എൻട്രി വിസ ആവശ്യവുമായി മുന്നോട്ടു വന്നതായി താമസകുടുയേറ്റ വകുപ്പ് അറിയിച്ചു. മലയാളികളടക്കമുള്ള വിദേശികള്‍ക്ക് ഏറെ ഗുണം ചെയ്യുന്ന തീരുമാനത്തിനാണ് യുഎഇ ഇപ്പോൾ അം​ഗീകാരം നൽകിയിരിക്കുന്നത്.



നേട്ടങ്ങൾ നിരവധി

മൾട്ടിപ്പിൾ എൻട്രി വിസ അനുവദിക്കുന്നത് വഴി ജോലി തേടുന്നവർക്ക് ദീർഘനാൾ രാജ്യത്ത് താമസിക്കാനും അതുവഴി കൂടുതൽ മേഖലകളിൽ ജോലി തേടാനും സാധിക്കും. മാത്രമല്ല സമയമെടുത്ത് ജോലി അന്വേഷിക്കാനും പറ്റും. രാജ്യത്തിന് പുറത്തു പോകുകയും വീണ്ടും രാജ്യത്ത് പ്രവേശിക്കാനും സാ​ധിക്കുന്നത് വഴി ബിസിനസ് ആവശ്യങ്ങള്‍ നടപ്പിലാക്കാനും, കോളജ് പ്രവേശനം, ജോലി തുടങ്ങിയ സംബന്ധിച്ച് നടപടികൾ എളുപ്പത്തിൽ പൂർത്തീകരിക്കാനും കഴിയും.