ഓഹരി വിപണിയിൽ ഇന്നും നേട്ടം. നരേന്ദ്ര മോദി സര്ക്കാരിന്റെ സത്യപ്രതിജ്ഞ നടക്കാനിരിക്കെ ഉച്ചയ്ക്ക് ശേഷമാണ് ഓഹരി സൂചികകൾ കുതിച്ച് ഉയർന്നത്. സെന്സെക്സ് 329.92 പോയന്റ് ഉയര്ന്ന് 39,831.97ലും നിഫ്റ്റി 84.80 പോയന്റ് നേട്ടത്തില് 11,945.90ലുമാണ് വ്യാപാരം അവസാനിപ്പിച്ചത്.
ഇന്ന് ബിഎസ്ഇയിലെ 1236 കമ്പനികളുടെ ഓഹരികള് നേട്ടമുണ്ടാക്കിയപ്പോൾ 1301 ഓഹരികള് നഷ്ടത്തിലായിരുന്നു. എന്നാൽ 150 ഓഹരികൾ മാറ്റമില്ലാതെ തുടർന്നു. എൻ.ടി.പി.സി, യെസ് ബാങ്ക്, ഭാരതി എയർടെൽ, ബജാജ് ഫിനാൻസ്, ബി.പി.സി.എൽ എന്നീ ഓഹരികളാണ് ഇന്ന് നിഫ്റ്റിയിൽ നേട്ടമുണ്ടാക്കിയത്.
റിലയന്സ് ഇന്ഡസ്ട്രീസ്, എച്ച്ഡിഎഫ്സി ബാങ്ക്, എച്ച്ഡിഎഫ്സി, ടിസിഎസ്, ഇന്ഫോസിസ്, ഐസിഐസിഐ ബാങ്ക് തുടങ്ങിയ ഓഹരികള് മികച്ച നേട്ടമുണ്ടാക്കി. അതേസമയം സൺ ഫാർമ, എം ആൻഡ് എം, സീ എന്റർടൈമെന്റ്, ഐഷർ മോട്ടോഴ്സ്, ജെഎസ്ഡബ്ല്യു സ്റ്റീൽ എന്നിവയ്ക്ക് നഷ്ടം നേരിട്ടു.
ഓട്ടോ, ഫാർമ, മെറ്റൽ എന്നീ മേഖലകൾക്കായിരുന്നു ഇന്ന് നഷ്ടം. ഇൻഫ്രാ, ഐടി, പിഎസ്യു ബാങ്ക്, ഊർജം എന്നീ മേഖലകളിലെ ഓഹരികൾ നേട്ടമുണ്ടാക്കുകയും ചെയ്തു. ഡോളറിനെ അപേക്ഷിച്ച് രൂപയുടെ വിനിമയ മൂല്യം ഇന്ന് 69.84 ലാണ് അവസാനിച്ചത്.
malayalam.goodreturns.in