ന്യൂഡല്‍ഹി: ഗ്രാമീണമേഖലയിലെ ജനങ്ങള്‍ക്കായി ഭവനങ്ങള്‍ നിര്‍മ്മിക്കാന്‍ വേണ്ടിയുള്ള ധനസഹായം കണ്ടെത്തുന്നതിനായി സര്‍ക്കാര്‍ നടത്തുന്ന ചില ചെറിയ പൊതുമേഖലാ ബാങ്കുകളിലെ നിയന്ത്രണ ഓഹരികള്‍ കേന്ദ്ര സര്‍ക്കാര്‍ വില്‍ക്കാനൊരുങ്ങുന്നു.

ഗ്രാമീണമേഖലയിലെ ദുര്‍ബലമായ ചില ബാങ്കുകളില്‍ ഭൂരിപക്ഷ ഓഹരി വില്‍ക്കുന്നതിലൂടെ പ്രധാനമന്ത്രി നരേന്ദ്ര മോദിയുടെ ഗ്രാമീണ ഭവന പദ്ധതിക്ക് പണം കണ്ടെത്തുക എന്ന ലക്ഷ്യത്തോടെയാണ് ഭൂരിപക്ഷ ഓഹരി വില്‍ക്കാന്‍ തീരുമാനിച്ചിരിക്കുന്നത്. ജനങ്ങളുടെ അഭിപ്രായം പൂടി കണക്കിലെടുത്താവും തുടര്‍ നടപടികള്‍.ഇതിന്റെ വിശദാംശങ്ങള്‍ ഇപ്പോഴും തയ്യാറാക്കിക്കൊണ്ടിരിക്കുകയാണ്, കേന്ദ്ര സര്‍ക്കാരിന്റെ അംഗീകാരം ലഭിച്ചാല്‍ ജൂലൈ 5 ന് പുറത്തിറക്കുന്ന ബജറ്റില്‍ ഇത് ഉള്‍പ്പെടുത്താന്‍ സാധ്യതയുണ്ട്.

ലോക്‌സഭാ തിരഞ്ഞെടുപ്പിനുശേഷം ക്ഷേമപദ്ധതികള്‍ക്കായി ചെലവ് ഉയര്‍ത്താനും വളര്‍ച്ച നിരക്ക് പുനരുജ്ജീവിപ്പിക്കാനും മോദിസര്‍ക്കാര്‍ കടുത്ത സമ്മര്‍ദ്ദത്തിലാണ്. പദ്ധതിക്ക് അന്തിമരൂപം നല്‍കിയാല്‍ സര്‍ക്കാര്‍ നടത്തുന്ന ബാങ്കുകളില്‍ ഭൂരിപക്ഷ ഓഹിരികള്‍ വില്‍ക്കാന്‍ സര്‍ക്കാര്‍ ഒരു നിയമം ഭേദഗതി ചെയ്യാന്‍ സാധ്യതയുണ്ട്.