തുടർച്ചയായ നഷ്ട്ടത്തിന് ശേഷം ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 311.98 പോയിൻറ് ഉയർന്ന് 39,434.94 ലും നിഫ്റ്റി 96.80 പോയിൻറ് ഉയർന്ന് 11,796.50 ലുമാണ് ക്ലോസ് ചെയ്തത്. ഏകദേശം 1233 ഓഹരികൾ നേട്ടം കൈവരിക്കുകയും 1268 ഓഹരികൾ നഷ്ടം രേഖപ്പെടുത്തുകയും ചെയ്തു. 166 ഓഹരികൾ മാറ്റമില്ലാതെ തുടർന്നു. ജെഎസ്ഡബ്ല്യു സ്റ്റീൽ, ബിപിസിഎൽ, റിലയൻസ് ഇൻഡസ്ട്രീസ്, ആക്സിസ് ബാങ്ക്, ടാറ്റ സ്റ്റീൽ എന്നിവയാണ് സൂചികകളിൽ മികച്ച നേട്ടമുണ്ടാക്കിയ ഓഹരികൾ.
യെസ് ബാങ്ക്, ഭാരതി ഇൻഫ്രാടെൽ, ഏഷ്യൻ പെയിന്റ്സ്, ഇൻഡസ്ഇൻഡ് ബാങ്ക്, എൽ ആൻഡ് ടി എന്നിവയ്ക്കാണ് ഇന്ന് കനത്ത നഷ്ടം നേരിട്ടത്. മെറ്റൽ, എനർജി, ഓട്ടോ, പിഎസ്യു ബാങ്ക്, ഫാർമ, ഇൻഫ്ര, എഫ്എംസിജി തുടങ്ങിയ മേഖലകളെല്ലാം തന്നെ ഇന്ന് നേട്ടത്തിലാണ് വ്യാപാരം അവസാനിപ്പിച്ചത്. മിഡ്ക്യാപ്, സ്മോൾകാപ്പ് സൂചികകളും ഇന്ന് ഉയർന്നു.
ഇന്നലെ സെൻസെക്സ് 71.53 പോയിൻറ് കുറഞ്ഞ് 39,122.96 ലും നിഫ്റ്റി 24.40 പോയിൻറ് കുറഞ്ഞ് 11,699.70 ലുമാണ് ഇന്ന് വ്യാപാരം അവസാനിപ്പിച്ചത്. നിഫ്റ്റി മിഡ്ക്യാപ്, സ്മോൾകാപ്പ് സൂചികകളും 0.4 ശതമാനം വീതം കുറഞ്ഞിരുന്നു. ജെഎസ്ഡബ്ല്യു സ്റ്റീൽ, ഒഎൻജിസി, ഐഷർ മോട്ടോഴ്സ്, ടാറ്റാ സ്റ്റീൽ, വേദാന്ത എന്നിവ 2 മുതൽ 3 ശതമാനം വരെ ഇന്നലെ ഇടിഞ്ഞു.
malayalam.goodreturns.in