Just In
-
-
-
-
Don't Miss
-
ഇതൊക്കെ ഒരു ഗെയ്മല്ലേ; ശ്രീതുവിനെ കാണാന് നല്ല ഭംഗിയല്ലേ...; അര്ജുന്റെ അമ്മ പറയുന്നു -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
ഒന്നാം ഘട്ട വോട്ടെടുപ്പ് അവസാനിച്ചു; ബംഗാളിലും ത്രിപുരയിലും കനത്ത പോളിംഗ് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ദില്ലി: വിദേശ പണമിടപാട് സ്ഥാപനങ്ങള്‍ക്ക് കൂടുതല്‍ നിയന്ത്രണങ്ങളുമായി റിസര്‍വ് ബാങ്ക് ഓഫ് ഇന്ത്യ രംഗത്തെത്തി. പെയ്‌മെന്റ് സിസ്റ്റം ഓപ്പറേറ്റര്‍മാര്‍ (പിഎസ്ഒ) പണമിടപാടുമായി ബന്ധപ്പെട്ട വിവരങ്ങള്‍ ഇന്ത്യയില്‍ തന്നെ സൂക്ഷിക്കണമെന്നാണ് പുതിയ നിര്‍ദ്ദേശം. ഇതുമായി ബന്ധപ്പെട്ട് 2018 ഏപ്രിലില്‍ ഇറക്കിയ ഉത്തരവില്‍ കൂടുതല്‍ വ്യക്തത വരുത്തിക്കൊണ്ടുള്ള നിര്‍ദ്ദേശങ്ങളാണ് ബുധനാഴ്ച ആര്‍ബിഐ പുറത്തിറക്കിയത്.
പെയ്‌മെന്റുമായി ബന്ധപ്പെട്ട മുഴുവന്‍ വിവരങ്ങളും ഇന്ത്യയില്‍ മാത്രമേ സൂക്ഷിക്കാവൂ എന്ന് ആര്‍ബിഐ വ്യക്തമാക്കി. വിദേശത്ത് വച്ച് പ്രോസസ് ചെയ്യപ്പെടുന്ന ഇടപാടുകളാണെങ്കില്‍ 24 മണിക്കൂറിനകം അവ ഇന്ത്യയില്‍ എത്തിച്ച് സൂക്ഷിച്ചുവയ്ക്കണമെന്നും ആര്‍ബിഐ പറയുന്നു. ഇടപാട് നടക്കുന്ന വിദേശരാജ്യത്തെ കംപ്യൂട്ടറില്‍ നിന്ന് ഇടപാടുമായി ബന്ധപ്പെട്ട വിവരങ്ങള്‍ ഡിലീറ്റ് ചെയ്യുകയും വേണം.
2018ലെ ഉത്തരവില്‍ പെയ്‌മെന്റുമായി ബന്ധപ്പെട്ട വിവരങ്ങള്‍ ആറു മാസത്തിനകം ഇന്ത്യയിലെത്തിച്ച് സൂക്ഷിക്കണമെന്നായിരുന്നു ആര്‍ബിഐയുടെ നിര്‍ദ്ദേശം. ആര്‍ടിജിഎസ്, നെഫ്റ്റ്, എന്‍പിസിഐ തുടങ്ങിയ പെയ്‌മെന്റ് രീതികള്‍ ഉപയോഗിച്ച് ഇടപടാകുള്‍ നടത്തുന്ന എല്ലാ ബാങ്കുകള്‍ക്കും പുതിയ വ്യവസ്ഥകള്‍ ബാധകമാണെന്നും ആര്‍ബിഐ വ്യക്തമാക്കി.
അതേസമയം, വിദേശ രാജ്യങ്ങളിലെ ഉപഭോക്താവുമായി നടക്കുന്ന പണമിടപാടുകളുമായി ബന്ധപ്പെട്ട വിവരങ്ങളുടെ ഒരു പകര്‍പ്പ് ആവശ്യമെങ്കില്‍ വിദേശ രാജ്യങ്ങളില്‍ സൂക്ഷിക്കാമെന്നും റിസര്‍വ് ബാങ്ക് വ്യക്തമാക്കി. ഉപഭോക്തൃ തര്‍ക്കവുമായി ബന്ധപ്പെട്ട കേസുകളില്‍ ആവശ്യമെങ്കില്‍ ഇന്ത്യയില്‍ സൂക്ഷിച്ചിരിക്കുന്ന വിവരങ്ങള്‍ വിദേശസ്ഥാപനങ്ങള്‍ക്ക് നല്‍കാവുന്നതാണ്.
പണമിടപാട് നടത്തുന്ന വ്യക്തിയുടെ പേര്, മൊബൈല്‍ നമ്പര്‍, ഇമെയില്‍, ആധാര്‍ നമ്പര്‍, പാന്‍ നമ്പര്‍ എന്നീ വിവരങ്ങള്‍ക്കു പുറമെ പണം അയക്കുന്നയാളിന്റെയും സ്വീകരിക്കുന്നയാളിന്റെയും അക്കൗണ്ട് വിവരങ്ങള്‍, ഒടിപി, പിന്‍ നമ്പര്‍, പാസ്‌വേഡ് തുടങ്ങിയ അതീവ പ്രധാനമായ വിവരങ്ങളും ഈ രീതിയില്‍ രാജ്യത്തിനു പുറത്ത് സൂക്ഷിക്കാന്‍ പാടില്ലാത്തവയാണെന്നും ആര്‍ബിഐ വ്യക്തമാക്കി.
