അസ്ഥിരമായ വ്യാപാര ദിനമായ ഇന്ന് ബെഞ്ച്മാർക്ക് സൂചികകൾ നേരിയ നേട്ടം കൈവരിച്ച് വ്യാപാരം അവസാനിപ്പിച്ചു. നിഫ്റ്റിക്ക് 11,900ൽ ക്ലോസ് ചെയ്യാൻ സാധിച്ചു.  സെൻസെക്സ് 22.77 പോയിൻറ് ഉയർന്ന് 39,839.25 ലും നിഫ്റ്റി 6.50 പോയിൻറ് ഉയർന്ന് 11,916.80 ലുമാണ് വ്യാപാരം അവസാനിപ്പിച്ചത്. 1308 ഓഹരികൾ മുന്നേറി, എന്നാൽ 1146 ഓഹരികൾ ഇടിവും രേഖപ്പെടുത്തി.168 ഓഹരികൾ മാറ്റമില്ലാതെ തുടർന്നു.

ഇന്ത്യ ബുൾസ് ഹൗസിം​ഗ്, ഇൻ‌ഡസ് ഇൻ‌ഡ് ബാങ്ക്, ഐ‌ടി‌സി, സീ എന്റർ‌ടൈൻ‌മെന്റ്, ഗ്രാസിം ഇൻഡസ്ട്രീസ് എന്നിവ നിഫ്റ്റിയിൽ മികച്ച നേട്ടമുണ്ടാക്കിയപ്പോൾ ഐഷർ മോട്ടോഴ്സ്, ഗെയിൽ, ടെക് മഹീന്ദ്ര, വേദാന്ത, ഡോ. റെഡ്ഡീസ് ലാബ് തുടങ്ങിയ ഓഹരികൾ കനത്ത നഷ്ട്ടം രേഖപ്പെടുത്തി. ഊർജ്ജം, ഇൻഫ്ര, പി‌എസ്‌യു ബാങ്ക്, എഫ്‌എം‌സി‌ജി തുടങ്ങിയ മേഖലകളിലെ ഓഹരികൾ മികച്ച നേട്ടമുണ്ടാക്കിയപ്പോൾ ഇന്ന് നഷ്ട്ടം രേഖപ്പെടുത്തിയത് ഓട്ടോ, ഐടി മേഖലകളിലെ ഓഹരികളാണ്.

ഇന്ത്യൻ രൂപ ഡോളറിന് 68.87 എന്ന നിലയിലാണ് ഇന്ന് വ്യാപാരം അവസാനിപ്പിച്ചത്. ഇന്നലെ 68.93നാണ് വ്യാപാരം അവസാനിപ്പിച്ചത്.

malayalam.goodreturns.in