നിര്‍മ്മല സീതാരമാന്റെ ആദ്യ ബജറ്‌റില്‍ ആദായ നികുതി സ്ലാബില്‍ മാറ്റമില്ല. രണ്ടു കോടി മുതല്‍ അഞ്ചു കോടി വരെ വരുമാനക്കാര്‍ക്ക് മൂന്നു ശതമാനം സര്‍ച്ചാര്‍ജ്. അഞ്ചു കോടിക്കു മുകളില്‍ ഏഴു ശതമാനം വര്‍ധന.

ഇതോടെ ഉയര്‍ന്ന വരുമാനമുള്ളവര്‍ക്ക് നികുതി വര്‍ദ്ധിപ്പിക്കുവാനാണ് മോദി സര്‍ക്കാര്‍ ശ്രമിക്കുന്നത്. കൂടാതെ അക്കൗണ്ടില്‍നിന്ന് ഒരുകോടി പിന്‍വലിച്ചാല്‍ 2% ടിഡിഎസ് നല്‍കണം. ഇടത്തരക്കാരെ നികുതി ഭാരത്തില്‍ നിന്ന് ഒഴിവാക്കും. പ്രത്യക്ഷ നികുതിയില്‍ 78% വര്‍ധന ഉണ്ടാകും. 6.38 ലക്ഷം കോടിയില്‍ നിന്ന്11.37 കോടിയായി നികുതിദായകരുടെ സംഖ്യ ഉയര്‍ന്നു.രാജ്യത്തെ 99% കമ്പനികളെയും 25% കോര്‍പ്പറേറ്റ് നികുതിക്ക് കീഴില്‍ കൊണ്ടു വരും.

സ്റ്റാര്‍ട്ടപ്പുകള്‍ക്ക് ഓഹരി വില സംബന്ധിച്ച പരിശോധനയില്‍ ഇളവുകള്‍ ലഭിക്കും.ഇലക്ട്രിക് വാഹനങ്ങള്‍ വാങ്ങുന്നവര്‍ക്ക് ആദായ നികുതിയിളവ്. ഇലക്ട്രിക് വാഹനങ്ങള്‍ വാങ്ങുന്നവര്‍ക്ക് ആദായ നികുതിയില്‍ 1.5 ലക്ഷത്തിന്റെ പലിശയിളവാണ് ബജറ്റില്‍ പ്രഖ്യാപിച്ചിരിക്കുന്നത്. അടുത്ത മാര്‍ച്ച് 31 വരെ ഒന്നര ലക്ഷത്തിന്റെ അധിക നികുതിയിളവ്. നാല്‍പത്തഞ്ച് ലക്ഷം വരെയുള്ള ഭവന വായ്പയില്‍ 2021 മാര്‍ച്ച് 31 വരെ മൂന്നര ലക്ഷം നികുതിയിളവ് ഉണ്ടാകും.