രണ്ടാം മോദി സര്‍ക്കാരിന്റെ ആദ്യ ബജറ്റ് ധനമന്ത്രി നിര്‍മ്മല സീതാരാമന്‍ അവതരിപ്പിച്ചു. ബജറ്റിലെ പ്രധാന ആദായനികുതി മാറ്റങ്ങള്‍ ഇവയാണ്. ആദായനികുതി റിട്ടേണ്‍ സമര്‍പ്പിക്കാന്‍ പാന്‍കാര്‍ഡ് നിര്‍ബന്ധമില്ല.ആധാര്‍ കാര്‍ഡുള്ള നികുതിദായകര്‍ക്ക് പാന്‍കാര്‍ഡിന് പകരം ആധാര്‍കാര്‍ഡ് ഉപയോഗിക്കാം. ആദായനികുതി സ്ലാബുകളില്‍ മാറ്റങ്ങളൊന്നും വരുത്തിയിട്ടില്ലെങ്കിലും രാജ്യത്തെ മധ്യവര്‍ഗ ജനതയുടെ ഭാരം ലഘൂകരിക്കുന്ന ചില ആനുകൂല്യങ്ങള്‍ പ്രഖ്യാപിച്ചു. 2019-20 സാമ്പത്തിക വര്‍ഷത്തില്‍ 5 ലക്ഷം രൂപ വരെയുള്ള വരുമാനത്തില്‍ മുഴുവന്‍ നികുതി ഇളവും നല്‍കും.

45 ലക്ഷം രൂപയില്‍ താഴെ വിലയുള്ള വീടുകള്‍ക്കുള്ള എല്ലാ ഭവനവായ്പകളിലും 1.5 ലക്ഷം രൂപ അധിക ആദായനികുതി കിഴിവ് പ്രഖ്യാപിച്ചു. സ്വയം കൈവശമുള്ള ഒരു വീടിന്റെ പ്രോപ്പര്‍ട്ടിയില്‍ വായ്പയ്‌ക്കെതിരായ പലിശ അടയ്ക്കാന്‍ അനുവദിച്ചിട്ടുള്ള കിഴിവ് പരിധി രണ്ട് ലക്ഷത്തില്‍ നിന്ന് 3.5 ലക്ഷമായി ഉയര്‍ത്തി.മാര്‍ച്ച് 2020 വരെയുള്ള ഭവനവായ്പകള്‍ക്കാണ് ഈ ആനുകൂല്യം ലഭിക്കുക.

റിബേറ്റ് വര്‍ദ്ധനയിലൂടെ 6.5 ലക്ഷം രൂപ വരെ (സെക്ഷന്‍ 80 സി പ്രകാരം 5 ലക്ഷം + 1.5 ലക്ഷം രൂപ) വരുമാനനികുതി പ്രാബല്യത്തില്‍ വരും. മൂന്ന് കോടി മധ്യവര്‍ഗ നികുതിദായകര്‍ക്ക് 18,500 കോടി രൂപ നികുതി ആനുകൂല്യം നിര്‍ദ്ദേശിച്ചു. സെക്ഷന്‍ 54 പ്രകാരമുള്ള ക്യാപിറ്റല്‍ ഗെയിന്‍സ് എക്‌സംപ്ഷന്‍ ഇപ്പോള്‍ രണ്ട് ഭവന സ്വത്തുക്കളില്‍ ലഭ്യമാക്കും സ്റ്റാന്‍ഡേര്‍ഡ് കിഴിവ് 40,000 രൂപയില്‍ നിന്ന് 50,000 രൂപയായി ഉയര്‍ത്തി പോസ്റ്റ് ഓഫീസ് സേവിംഗിനായി ടിഡിഎസ് (ഉറവിടത്തില്‍ നികുതി കുറച്ചത്) പരിധി 10,000 രൂപയില്‍ നിന്ന് 40,000 രൂപയായി ഉയര്‍ത്തി.

ഇലക്ട്രോണിക് വാഹനങ്ങള്‍ വാങ്ങിയാല്‍, 1.5 ലക്ഷം രൂപ വരെ ആദായ നികുതിയില്‍ ഇളവ് ലഭിക്കും ഒരു ബാങ്കില്‍ നിന്ന് ഒരു വര്‍ഷത്തില്‍ ഒരു കോടിയിലധികം രൂപ പിന്‍വലിക്കുന്നതിന് രണ്ട് ശതമാനം ടിഡിഎസ് ചുമത്തു പ്രതിവര്‍ഷം രണ്ട് കോടിയിലധികം വരുമാനം നേടുന്ന സമ്പന്നരുടെ ആദായനികുതി സര്‍ചാര്‍ജ് വര്‍ദ്ധിപ്പിച്ചു. 2-5 കോടി രൂപ മുതല്‍ സമ്പാദിക്കുന്നവര്‍ക്ക് 3 ശതമാനം കൂടുതല്‍ നല്‍കേണ്ടിവരും.

സര്‍ചാര്‍ജ് നിരക്ക് 15 ശതമാനത്തില്‍ നിന്ന് 25 ശതമാനമായി ഉയര്‍ത്തുകയും 5 കോടി രൂപയ്ക്ക് മുകളില്‍ വരുമാനം നേടുന്നവര്‍ക്ക് 37 ശതമാനം സര്‍ചാര്‍ജ് ഈടാക്കുകയും ചെയ്യും. നിലവില്‍ ഇത് 15 ശതമാനമാണ്. മൂന്ന് വര്‍ഷത്തേക്ക് ഇക്വിറ്റി ബന്ധിത സേവിംഗ്‌സ് സ്‌കീമുമായി ബന്ധപ്പെട്ട് മ്യൂച്വല്‍ ഫണ്ടുകളില്‍ മൂന്ന് വര്‍ഷത്തെ ലോക്ക് - ഇന്‍ കാലയളവില്‍ നിക്ഷേപിക്കുന്നവര്‍ക്ക് നിലവില്‍ ഒന്നരലക്ഷം രൂപ വരെ ആദായനികുതിയിളവുണ്ട്.  കേന്ദ്ര പൊതുമേഖലാ കമ്പനികളുടെ ഓഹരികളില്‍ നിക്ഷേപിക്കുന്ന റീട്ടെയ്ല്‍ നിക്ഷേപകര്‍ക്ക് ഇക്വിറ്റി ബന്ധിത സേവിംഗ്‌സ് സ്‌കീമുകളുടേത് പോലുള്ള ആദായനികുതിയിളവുകള്‍ നല്‍കും.സര്‍ക്കാരിന്റെ കമ്പനികളില്‍ നിക്ഷേപിക്കുന്ന റീട്ടെയ്ല്‍ നിക്ഷേപകര്‍ക്കും ഇളവുകള്‍ ലഭിക്കും