ഓഹരി വിപണിയിൽ ഇന്നും മോശം ദിനം. ബെഞ്ച്മാർക്ക് സൂചികകൾ നഷ്ട്ടത്തിൽ വ്യാപാരം അവസാനിപ്പിച്ചു. മെയ് 17 ന് ശേഷമുള്ള ഏറ്റവും വലിയ ഇടിവാണ് നിഫ്റ്റിയിൽ നേരിട്ടത്. നിഫ്റ്റ് 11,500 ൽ താഴെയായി. ബി‌എസ്‌ഇ സെൻസെക്സ് 173.78 പോയിൻറ് കുറഞ്ഞ് 38,557.04 ലും നിഫ്റ്റി 50 57 പോയിൻറ് കുറഞ്ഞ് 11,498.90 ലുമാണ് വ്യാപാരം അവസാനിപ്പിച്ചത്.

ബി‌എസ്‌ഇയിൽ ഉയരുന്ന ഓരോ രണ്ട് ഷെയറിനും മൂന്ന് ഓഹരികൾ വീതം താഴുന്ന സ്ഥിതി ആയിരുന്നു ഇന്ന്. നിഫ്റ്റി മിഡ്‌ക്യാപ്, ഓട്ടോ, മെറ്റൽ, പി‌എസ്‌യു ബാങ്ക്, റിയൽറ്റി ഓഹരികൾ ഒരു ശതമാനം വീതം ഇടിഞ്ഞു.

സെൻസെക്സിലെ 30 ഓഹരികളിൽ യെസ് ബാങ്ക്, സൺ ഫാർമ, ഐസിഐസിഐ ബാങ്ക്, കൊട്ടക് ബാങ്ക്, പവർ ​ഗ്രിഡ്, എച്ച്ഡിഎഫ്സി ബാങ്ക്, ഏഷ്യൻ പെയിന്റ് തുടങ്ങിയ ഓഹരികൾ മാത്രമാണ് ഇന്ന് നേട്ടമുണ്ടാക്കിയത്.

എച്ച്സിഎൽ ടെക്ക്, റിലയൻസ്, ഐടിസി, ഇൻഡസിൻഡ് ബാങ്ക്, എച്ച്‍ഡിഎഫ്സി, ബജാജ് ഓട്ടോ, ആക്സിസ് ബാങ്ക്, ടാറ്റാ മോട്ടോഴ്സ്, ടാറ്റാ സ്റ്റീൽ തുടങ്ങിയ ഓഹരികൾ ഇന്ന് നഷ്ട്ട നേരിട്ട ഓഹരികളിൽ പ്രധാനപ്പെട്ടവ.

malayalam.goodreturns.in