വ്യാപാര-വാണിജ്യ തര്‍ക്കങ്ങള്‍ക്കിടെ ഇന്ത്യ യുഎസ് വ്യാപാര പ്രതിനിധികളുമായി വെള്ളിയാഴ്ച കൂടിക്കാഴ്ച നടത്തും.എന്നാല്‍ അമേരിക്കന്‍ സാധനങ്ങള്‍ക്കു ഇന്ത്യ ഏര്‍പെടുത്തിയ തീരുവക്കെതിരേ അമേരിക്കന്‍ പ്രസിഡന്റ് ട്രംപ് കഴിഞ്ഞ ദിവസം രംഗത്തെത്തിയിരുന്നു ഇന്ത്യ തോന്നിയ പോലെയാണ് ഉല്‍പന്നങ്ങള്‍ക്കു തീരുവ വര്‍ധിപ്പിക്കുന്നതെന്നും ഇത് അംഗീകരിക്കാന്‍ സാധിക്കില്ലെന്നുമായിരുന്നു ട്രംപിന്റെ ട്വീറ്റ്.

പ്രധാനമന്ത്രി നരേന്ദ്ര മോദി അതിവേഗം വളരുന്ന ഇ-കൊമേഴ്സ് വിപണിയില്‍ ഇലക്ട്രോണിക് വസ്തുക്കള്‍ മുതല്‍ വിദേശ കമ്പനികളുടെ മേല്‍ കര്‍ശന നിയന്ത്രണം വരുത്തി എല്ലാത്തിനും ഉയര്‍ന്ന താരിഫുകളുള്ള ദേശീയ നയങ്ങള്‍ മുന്നോട്ട് കൊണ്ടുപോകുവുകയാണ്. അതേ സമയം ആഭ്യന്തര കമ്പനികളെ വളര്‍ത്തുന്നതിനും ദശലക്ഷക്കണക്കിന് യുവാക്കള്‍ക്ക് തൊഴിലവസരങ്ങള്‍ സൃഷ്ടിക്കുന്നതിനും ഇത് സഹായകമാവും.

തെക്ക്, മധ്യേഷ്യയ്ക്കുള്ള അസിസ്റ്റന്റ് യുഎസ് ട്രേഡ് റെപ്രസന്റേറ്റീവ് (എ.യു.എസ്.ടി.ആര്‍) നേതൃത്വത്തിലുള്ള ഒരു പ്രതിനിധി സംഘം ഇന്ത്യന്‍ ഉദ്യോഗസ്ഥരെ സന്ദര്‍ശിച്ച് ലോക്‌സഭ തിരഞ്ഞെടുപ്പ് കാരണം നിര്‍ത്തിവച്ചിരുന്ന ടൈറ്റില്‍ ഫോര്‍ ടാറ്റ് താരിഫുകളെക്കുറിച്ച് ചര്‍ച്ചകള്‍ പുനരാരംഭിക്കാന്‍ ശ്രമിക്കും.

യുഎസ്ടിആര്‍ പ്രതിനിധി സംഘം വാണിജ്യമന്ത്രി പീയൂഷ് ഗോയലിനെയും പ്രധാന വ്യാപാര ഉദ്യോഗസ്ഥരെയും ഐടി മന്ത്രാലയത്തിലെ ഉന്നത ഉദ്യോഗസ്ഥരെയും പ്രതിനിധി സംഘം സന്ദര്‍ശിക്കും.ജൂണില്‍ നടന്ന ജി 20 ഉച്ചകോടിക്കിടെയാണ് ട്രംപും മോദിയും ഒസാക്കയില്‍ കൂടിക്കാഴ്ച നടത്തിയിരുന്നു. അന്ന് ഇരു രാജ്യങ്ങളും തമ്മില്‍ ബന്ധം സ്ഥാപിക്കാനും മുള്ളുള്ള വ്യാപാര പ്രശ്നങ്ങള്‍ പരിഹരിക്കാനും ധാരണയായിരുന്നു.