ഭുവനേശ്വര്: 2020 അവസാനത്തോടു കൂടി രാജ്യത്തെ എല്ലാ ട്രെയിനുകളിലും ഗ്ലോബല് പൊസിഷനിംഗ് സിസ്റ്റം (ജിപിഎസ്) ഉപകരണങ്ങള് സജ്ജമാക്കുമെന്ന് റെയില്വേ ബോര്ഡ് ചെയര്മാന് വിനോദ് കുമാര് യാദവ് പറഞ്ഞു. യാത്രക്കാരുടെ സുരക്ഷ മെച്ചപ്പെടുത്തുന്നതിന് എല്ലാ പ്രധാന ജംഗ്ഷനുകളിലും എക്സ്പ്രസ് ട്രെയിനുകളിലും സിസിടിവി സ്ഥാപിക്കുമെന്ന് അദ്ദേഹം പറഞ്ഞു.
ഡ്രൈവിങ് ലൈസന്സിന് ഇനി ആധാര് വെരിഫിക്കേഷനില്ല
യാത്രക്കാരുടെ സുരക്ഷ ഉറപ്പാക്കുന്നതിനാണിത്. ട്രെയിന് യാത്രയ്ക്കിടയില് കൃത്യം സ്ഥാനം എവിടെയെന്ന് ഉറപ്പാക്കുന്നതിനും മറ്റുമാണ് ജിപിഎസ് സംവിധാനം ഒരുക്കുന്നത്. റിയല് ടൈം ട്രെയിന് ഇന്ഫോര്മേഷന് സിസ്റ്റം എന്നാണ് പദ്ധതിയുടെ പേര്. ഇന്ത്യന് സ്പെയ്സ് റിസേര്ച്ച് ഓര്ഗനൈസേഷന്റെ സഹകരണത്തോടെയാണ് പദ്ധതി നടപ്പിലാക്കുന്നത്.
ട്രെയിനുകളുടെ കൃത്യ നിഷ്ഠ മനസിലാക്കുന്നതിന് വേണ്ടി കൂടിയാണ് പദ്ധതി നടപ്പിലാക്കുന്നത്. ട്രെയിനുകളുടെ വേഗതയും കൃത്യം സ്ഥലം എവിടെയെന്നും മനസിലാക്കുന്നതിന് വേണ്ടിയുമാണ് പുത്തന് സംവിധാനം കൊണ്ടു വരുന്നത്. സെപ്റ്റംബറോടു കൂടി എല്ലാ പ്രധാന റെയില്വേ സ്റ്റേഷനുകളിലും വൈഫൈ സംവിധാനം കൊണ്ടു വരുമെന്നും യാദവ് അറിയിച്ചു.കഴിഞ്ഞ 25 മുതല് 30 വര്ഷത്തിനുള്ളില് രാജ്യത്ത് റെയില്വേ ഗതാഗതത്തില് ഗണ്യമായ വളര്ച്ചയുണ്ടായതിനാല് അടിസ്ഥാന സൗകര്യ വികസനത്തിലാണ് റെയില്വേയുടെ പ്രധാന ലക്ഷ്യമെന്നും യാദവ് പറഞ്ഞു.