ഇന്ത്യൻ സൂചികകൾ ഇന്ന് നഷ്ട്ടത്തിൽ വ്യാപാരം അവസാനിപ്പിച്ചപ. നിഫ്റ്റി ഇന്ന് 11,200 ലെവലിനു താഴെ പോയി. സെൻസെക്സ് 196.42 പോയിൻറ് ഇടിഞ്ഞ് 37,686.37 ലും നിഫ്റ്റി 95.10 പോയിൻറ് ഇടിഞ്ഞ് 11,189.20 ലുമാണ് വ്യാപാരം അവസാനിപ്പിച്ചത്. ഏകദേശം 797 ഓഹരികൾ നേട്ടം കൈവരിച്ചപ്പോൾ 1614 ഓഹരികളാണ് ഇന്ന് ഇടിഞ്ഞത്. 124 ഓഹരികൾ മാറ്റമില്ലാതെ തുടർന്നു.

ഇന്ത്യാബുൾസ് ഹൗസിംഗ്, ഗ്രാസിം ഇൻഡസ്ട്രീസ്, ടാറ്റ മോട്ടോഴ്സ്, വേദാന്ത, ഭാരതി ഇൻഫ്രാറ്റെൽ എന്നിവയാണ് നിഫ്റ്റിയിൽ വലിയ നഷ്ടം നേരിട്ട ഓഹരികൾ. എന്നാൽ ഐ‌സി‌ഐ‌സി‌ഐ ബാങ്ക്, എച്ച്സി‌എൽ ടെക്, ഇൻ‌ഡസ് ഇൻ‌ഡ് ബാങ്ക്, ടി‌സി‌എസ്, ഇൻ‌ഫോസിസ് എന്നിവ മികച്ച നേട്ടമുണ്ടാക്കി.

ഐടി ഒഴികെ മറ്റെല്ലാ മേഖലകളിലും ഇന്ന് നഷ്ട്ടത്തിലാണ് വ്യാപാരം നടന്നത്. ഏറ്റവും കൂടുതൽ നഷ്ട്ടം രേഖപ്പെടുത്തിയത് ഓട്ടോ, മെറ്റൽ, ഇൻഫ്ര, ഫാർമ, എഫ്എംസിജി, എനർജി എന്നീ മേഖലകളാണ്. ബി‌എസ്‌ഇ മിഡ്‌കാപ്പ് സൂചിക 0.7 ശതമാനവും ബി‌എസ്‌ഇ സ്‌മോൾകാപ്പ് സൂചിക ഒരു ശതമാനവും ഇടിഞ്ഞു.

malayalam.goodreturns.in