ബെഞ്ച്മാർക്ക് സൂചികകൾ കഴിഞ്ഞ ദിവസത്തെ തകർച്ചയ്ക്ക് ശേഷം ഇന്ന് നേട്ടം കൈവരിച്ചു. സെൻസെക്സ് 118.69 പോയിൻറ് ഉയർന്ന് 37,137.01 ലും നിഫ്റ്റി 17.40 പോയിൻറ് ഉയർന്ന് 10,997.40 ലുമാണ് വ്യാപാരം അവസാനിപ്പിച്ചത്. 1104 ഓഹരികൾ നേട്ടമുണ്ടാക്കിയപ്പോൾ 1339 ഓഹരികൾ ഇന്ന് ഇടിവ് രേഖപ്പെടുത്തി. 132 ഓഹരികൾ മാറ്റമില്ലാതെയും തുടർന്നു.

എന്നാൽ നിഫ്റ്റിയ്ക്ക് ഇന്നും 11,000 പോയിന്റിന് മുകളിൽ കടക്കാനായില്ല. ഇന്ത്യാബുൾസ് ഹൗസിംഗ്, ടാറ്റ സ്റ്റീൽ, എസ്‌ബി‌ഐ, കോൾ ഇന്ത്യ, വിപ്രോ എന്നിവയ്ക്കാണ് ഇന്ന് നിഫ്റ്റിയിൽ വലിയ നഷ്ടം നേരിട്ടത്. ഭാരതി എയർടെൽ, ഏഷ്യൻ പെയിന്റ്സ്, ഐഷർ മോട്ടോഴ്സ്, ബജാജ് ഓട്ടോ, മാരുതി സുസുക്കി എന്നീ ഓഹരികൾ ഇന്ന് മികച്ച പ്രകടനം കാഴ്ച്ച വച്ചു.

ഓട്ടോ, ഇൻഫ്ര, ഐടി മേഖലകൾ ഇന്ന് നേട്ടമുണ്ടാക്കിയപ്പോൾ പൊതുമേഖലാ ബാങ്ക്, മെറ്റൽ, ഊർജ മേഖലകൾ നഷ്ട്ടത്തിൽ വ്യാപാരം തുടർന്നു. മിഡ്‌ക്യാപ് സൂചികകളിൽ ഇന്ന് കാര്യമായ വ്യതിയാനം സംഭവിച്ചില്ലെങ്കിലും സ്‌മോൾകാപ്പ് സൂചിക 0.5 ശതമാനം ഇടിഞ്ഞു.

 malayalam.goodreturns.in