വായ്പ ഇനി നിങ്ങളുടെ വീട്ടിലെത്തിക്കും; ഇന്ത്യ പോസ്റ്റിന്റെ പുത്തൻ പദ്ധതി ഇങ്ങനെ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ന്യൂഡല്‍ഹി: നിങ്ങള്‍ക്ക് ലോണ്‍ ആവശ്യമുണ്ടോ, എങ്കില്‍ ഇനി മുതല്‍ വായ്പ നിങ്ങളുടെ വീട്ടു പടിക്കല്‍ എത്തും. എന്താ സംഭവം എന്നല്ലേ ആലോചിക്കുന്നത് പറയാം.തപാല്‍ വകുപ്പിന്റെ ഇന്ത്യ പോസ്റ്റ് പേയ്‌മെന്റ്‌സ് ബാങ്ക് (ഐപിപിബി) സൂക്ഷ്മവായ്പകള്‍ നല്‍കുന്ന സ്‌മോള്‍ ഫിനാന്‍സ് ബാങ്ക് (എസ്എഫ്ബി)ആയി മാറുന്നു. 100 ദിവസം കൊണ്ട് ഒരു കോടി പുതിയ അക്കൗണ്ടുകള്‍ തുടങ്ങാനും ലക്ഷ്യമിടുന്നുണ്ട്.

 

ജിഡിപി റാങ്കിങിൽ ഇന്ത്യയ്ക്ക് ഏഴാം സ്ഥാനം; ഒന്നാമത് അമേരിക്ക തന്നെ

ഇന്ത്യ പോസ്റ്റിന് പേയ്‌മെന്റ് ബാങ്കുകള്‍ക്ക് വായ്പ നല്‍കാന്‍ അനുവാദമില്ല. എസ്എഫ്ബികള്‍ക്ക് ചെറുവായ്പകള്‍ നല്‍കാനാവും. പരിശീലനം സിദ്ധിച്ച ജീവനക്കാരെ ഉപയോഗിച്ച് വീട്ടുപടിക്കല്‍ വായ്പയെത്തിക്കാനാണു പുതിയ തീരുമാനം. ഇതിനായി കേന്ദ്രസര്‍ക്കാര്‍ കൂടുതല്‍ വിഹിതം നല്‍കുമെന്നാണ് പ്രതീക്ഷിക്കുന്നത്. വ്യക്തികള്‍ക്കും ചെറുകിട, ഇടത്തരം സംരംഭങ്ങള്‍ക്കും വായ്പ ലഭിക്കും.ജമ്മുവില്‍ ചേര്‍ന്ന വിവിധ പോസ്റ്റല്‍ സര്‍ക്കിള്‍ മേധാവികളുടെ യോഗത്തിലാണ് ഇത്തരമൊരു തീരുമാനത്തിലെത്തിയത്

വായ്പ ഇനി നിങ്ങളുടെ വീട്ടിലെത്തിക്കും; ഇന്ത്യ പോസ്റ്റിന്റെ പുത്തൻ പദ്ധതി ഇങ്ങനെ

ഇപ്പോള്‍ ഇന്ത്യ പോസ്റ്റിന് ഒരുലക്ഷം രൂപവരെ ഒരു ഉപഭോക്താവില്‍ നിന്നു നിക്ഷേപം സ്വീകരിക്കാനേ പേയ്‌മെന്റ് ബാങ്കുകള്‍ക്ക് അനുവാദമുള്ളൂ. മൂന്നാംകക്ഷി സേവനങ്ങളുടെ(ഇന്‍ഷുറന്‍സ് മുതലായവ) ഫീസാണ് മുഖ്യവരുമാനം. ഐപിപിബി നിലവില്‍ 15 രൂപ മുതല്‍ 25 രൂപ വരെയാണു സേവനങ്ങള്‍ക്ക് ഈടാക്കുന്നത്. സേവനങ്ങള്‍ വ്യാപിപ്പിക്കുമ്പോള്‍ ഇതില്‍ ചെറിയ ഇളവു വരുത്താനും അധികൃതര്‍ക്ക് ആലോചനയുണ്ടെന്നറിയുന്നു.

രാജ്യത്തൊട്ടാകെ 1.35 ലക്ഷം ബാങ്കിങ് പോയിന്റുകളുണ്ട്. എസ്എഫ്ബി ആകുമ്പോള്‍ ഇതിന്റെ എണ്ണം വര്‍ധിപ്പിക്കും. 200 കോടിയോളമാണ് ഇപ്പോള്‍ നിക്ഷേപമുള്ളത്. 85 ലക്ഷം ഉപഭോക്താക്കള്‍ പേയ്‌മെന്റ് ബാങ്ക് സേവനങ്ങള്‍ ഉപയോഗപ്പെടുത്തുന്നുണ്ട്.നിലവില്‍ ഇന്ത്യ പോസ്റ്റിലെ നിക്ഷേപങ്ങള്‍ സര്‍ക്കാര്‍ ബോണ്ടുകളിലും മറ്റുമാണ് നിക്ഷേപിക്കുന്നത്. തപാല്‍വകുപ്പ് 2007 മുതല്‍ ബാങ്ക് സേവനങ്ങളാരംഭിക്കാന്‍ ശ്രമം നടത്തുന്നുണ്ടെങ്കിലും നടന്നില്ല. 2007ല്‍ അപ്പോഴത്തെ സാമ്പത്തിക മാന്ദ്യമായിരുന്നു കാരണം. പിന്നീട് 2013ല്‍ ശ്രമിച്ചെങ്കിലും ഒരു പൊതുമേഖലാ ബാങ്കു കൂടി വേണ്ടെന്ന നിലപാടില്‍ റിസര്‍വ് ബാങ്ക് അനുമതി നിഷേധിച്ചു. 2015ലാണ് പേയ്‌മെന്റ് ബാങ്കിനുള്ള ലൈസന്‍സ് ലഭിക്കുന്നത്.

malayalam.goodreturns.in

Read more about: loan ലോണ്‍
English summary

ഇനി മുതല്‍ ഇന്ത്യന്‍ പോസ്റ്റ് വായ്പ നിങ്ങളുടെ വീട്ടിലെത്തിക്കും

Indian Post Loan will be delivered to your home from now on
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X