ഇന്ത്യൻ സൂചികകൾ തുടർച്ചയായ രണ്ടാം ദിവസവും നേട്ടത്തിൽ വ്യാപാരം അവസാനിപ്പിച്ചു. നിഫ്റ്റി 11,100നു മുകളിലാണ് ഇന്ന് വ്യാപാരം അവസാനിപ്പിച്ചത്. സെൻസെക്സ് 254.55 പോയിൻറ് ഉയർന്ന് 37,581.91 ലും നിഫ്റ്റി 77.20 പോയിൻറ് ഉയർന്ന് 11,109.70 ലുമാണ് ഇന്ന് ക്ലോസ് ചെയ്തത്. ഏകദേശം 1521 ഓഹരികൾ ഇന്ന് നേട്ടത്തിൽ ക്ലോസ് ചെയ്തു. 952 ഓഹരികൾ നഷ്ട്ടം രേഖപ്പെടുത്തി. 151 ഓഹരികൾ മാറ്റമില്ലാതെ തുടർന്നു.

ഇന്ത്യാബുൾസ് ഹൗസിംഗ്, ഐഷർ മോട്ടോഴ്സ്, മാരുതി സുസുക്കി, ബജാജ് ഫിൻ‌സെർവ്, ടൈറ്റൻ കമ്പനി എന്നിവയാണ് നിഫ്റ്റിയിലെ പ്രധാന നേട്ടമുണ്ടാക്കിയ ഓഹരികൾ. യെസ് ബാങ്ക്, സിപ്ല, ഹിൻഡാൽകോ ഇൻഡസ്ട്രീസ്, ടെക് മഹീന്ദ്ര, കോൾ ഇന്ത്യ എന്നീ ഓഹരികൾക്കാണ് ഇന്ന് ഏറ്റവും കൂടുതൽ നഷ്ടം നേരിട്ടത്.

ഓട്ടോ, എഫ്എം‌സി‌ജി, ഊർജ്ജ മേഖലകളിൽ ഇന്ന് നേട്ടം കൈവരിച്ചപ്പോൾ ഐടി, മെറ്റൽ, പി‌എസ്‌യു ബാങ്ക്, ഫാർമ എന്നീ മേഖലകളിൽ വിൽപ്പന സമ്മർദ്ദം നേരിട്ടു.

malayalam.goodreturns.in