ന്യൂഡല്‍ഹി: ഗോദ്റെജ് കണ്‍സ്യൂമര്‍ പ്രൊഡക്ട്സ് മാനേജിങ് ഡയറക്ടറും സി.ഇ.ഒ.യുമായ വിവേക് ഗംഭീറിന് കഴിഞ്ഞ സാമ്പത്തിക വര്‍ഷം ശമ്പളം 20.09 കോടി രൂപ. ഉപഭോക്തൃ ഉത്പന്ന കമ്പനികളില്‍ (എഫ്.എം.സി.ജി.) ഏറ്റവും കൂടുതല്‍ പ്രതിഫലം വാങ്ങിയ സി.ഇ.ഒയാണ് വിവേക് ഗംഭീര്‍. 2018-19 ലെ വാര്‍ഷിക റിപ്പോര്‍ട്ടില്‍ ഗംഭീറിന് മൊത്തം 20,09,42,847 പൗണ്ട് നഷ്ടപരിഹാരം ലഭിച്ചു.

ജീവനക്കാരുടെ ശരാശരി വേതനത്തോടുള്ള അദ്ദേഹത്തിന്റെ പ്രതിഫലത്തിന്റെ അനുപാതം 311.26 ആണ്.ഗംഭീറിന്റെ പ്രതിഫലത്തില്‍ 2018-19 സാമ്പത്തിക വര്‍ഷത്തില്‍ ഉപയോഗിച്ച സ്റ്റോക്ക് ഗ്രാന്റുകളുടെ കൃത്യമായ മൂല്യം ഉള്‍പ്പെടുത്തിയിട്ടുണ്ട്. സഞ്ജീവ് മേത്തയാണ് രണ്ടാം സ്ഥാനത്ത്.ഹിന്ദുസ്ഥാന്‍ യൂണീലിവര്‍ ചെയര്‍മാനും എംഡിയാണ് ഇദ്ദേഹം. 18.88 കോടി രൂപയാണ് സഞ്ജീവ് മേത്തയുടെ വാര്‍ഷിക പ്രതിഫലം..11.09 കോടി രൂപയുമായി നെസ്ലെ ഇന്ത്യ ചെയര്‍മാനും മാനേജിങ് ഡയറക്ടറുമായ സുരേഷ് നാരായണന്‍ ആണ് മൂന്നാം സ്ഥാനത്ത്.

ജനുവരി മുതല്‍ ഡിസംബര്‍ വരെയുള്ള കാലയളവാണ് നെസ്ലെ ഇന്ത്യ സാമ്പത്തിക വര്‍ഷമായി കണക്കാക്കുന്നത്. 10.77 കോടി രൂപ പ്രതിഫലം വാങ്ങിയ ഡാബര്‍ ഇന്ത്യ ഡയറക്ടര്‍ പി.ഡി. നരാംഗ് ആണ് പട്ടികയില്‍ നാലാം സ്ഥാനത്ത് . ഡാബര്‍ ഇന്ത്യ മുന്‍ സി.ഇ.ഒ. സുനില്‍ ഡഗ്ഗാള്‍ തൊട്ടുപിറകിലുണ്ട്. 2018-19-ല്‍ 10.74 കോടി രൂപയാണ് അദ്ദേഹം ശമ്പളം വാങ്ങിയത്. സുനില്‍ ഡഗ്ഗാള്‍ ഈയിടെ കമ്പനിയില്‍നിന്ന് വിരമിച്ചിരുന്നു.

സ്വര്‍ണവില കുതിച്ചുയരുമ്പോള്‍ ഒരുപവന്‍ വാങ്ങാന്‍ എത്ര രൂപയാകുമെന്നറിയാമോ?

മാരികോ എം.ഡി.യും സി.ഇ.ഒ.യുമായ സുഗത ഗുപ്ത (9.21 കോടി രൂപ), ജി.സി.പി.എല്‍. എക്സിക്യുട്ടീവ് ചെയര്‍പേഴ്സണ്‍ നിസാബ ഗോദ്റെജ് (6.87 കോടി രൂപ), ഇമാമി ലിമിറ്റഡ് എക്സിക്യുട്ടീവ് ചെയര്‍മാന്‍ ആര്‍.എസ്. അഗര്‍വാള്‍(2.69 കോടിരൂപ), ഡയറക്ടര്‍ ആര്‍.എസ്. ഗോയങ്ക (6.54 കോടി രൂപ) എന്നിവരാണ് പട്ടികയിലെ മറ്റുള്ളവര്‍.