തിരിച്ചടവ് കാലയളവ്

സാധാരണഗതിയിൽ ക്രെഡിറ്റ് കാലയളവ് 60 ദിവസമാണ്. ഇത് 75 ദിവസമായും അല്ലെങ്കിൽ 90 ദിവസമായുമാണ് ബാങ്ക് നീട്ടിയിരിക്കുന്നത്. ഒരു ബാങ്ക് എന്ന നിലയിൽ തങ്ങൾക്ക് ധനകാര്യ മേഖലയിൽ മാത്രമേ ശ്രദ്ധ കേന്ദ്രീകരിക്കാൻ സാധിക്കൂവെന്നും ഓട്ടോ മേഖലയെ പുനരുജ്ജീവിപ്പിക്കാൻ, സർക്കാരിന് മാത്രമേ കഴിയുകയുള്ളൂവെന്നും അദ്ദേഹം പറഞ്ഞു. കാറുകൾ വാങ്ങാൻ താൽപ്പര്യമുള്ള റീട്ടെയിൽ ഉപഭോക്താക്കൾക്ക് കുറഞ്ഞ നിരക്കിൽ ഫണ്ട് ലഭ്യമാക്കുകയാണ് തങ്ങളുടെ ലക്ഷ്യമെന്നും അദ്ദേഹം അറിയിച്ചു.

വാഹന വായ്പയിൽ ഇടിവ്

വിവിധ കാരണങ്ങളാൽ ബാങ്കുകളിൽ നിന്നുള്ള വാഹന വായ്പകളിൽ നേരിയ ഇടിവ് ഉണ്ടായിട്ടുണ്ട്. വാഹനമേഖല ഏറ്റവും മോശമായ പ്രതിസന്ധിയാണ് ഇപ്പോൾ നേരിടുന്നതെന്ന് വിവിധ റിപ്പോർട്ടുകൾ സൂചിപ്പിക്കുന്നു. വാഹന നിർമ്മാണ മേഖലകളിൽ തൊഴിൽ നഷ്ട്ടപ്പെടുന്നവരുടെ എണ്ണവും വളരെ കൂടുതലാണ്. കഴിഞ്ഞ മൂന്ന് മാസത്തിനിടെ ഇന്ത്യയിലെ ഓട്ടോമൊബൈൽ ഡീലർഷിപ്പുകളിൽ രണ്ട് ലക്ഷത്തോളം ജോലികൾ വെട്ടിക്കുറച്ചിട്ടുണ്ട്.

വിൽപ്പനയിൽ ഇടിവ്

സൊസൈറ്റി ഓഫ് ഇന്ത്യൻ ഓട്ടോമൊബൈൽ മാനുഫാക്ചറേഴ്സ് (സിയാം) കണക്കുകൾ പ്രകാരം എല്ലാ വിഭാഗങ്ങളിലുമുള്ള വാഹന മൊത്തക്കച്ചവടം 12.35 ശതമാനം ഇടിഞ്ഞ് 60,85,406 യൂണിറ്റായി കുറഞ്ഞു. കഴിഞ്ഞ വർഷം ഇതേ കാലയളവിൽ ഇത് 69,42,742 യൂണിറ്റായിരുന്നു. ഏപ്രിൽ മുതൽ ജൂൺ വരെയുള്ള കാലയളവിൽ വാഹന റീട്ടെയിൽ വിൽപ്പന 6 ശതമാനം കുറഞ്ഞ് 51,16,718 യൂണിറ്റായി. ഈ വർഷം ആദ്യ പാദത്തിൽ ഇത് 54,42,317 യൂണിറ്റായിരുന്നു വിൽപ്പന.

കാറുകളുടെ വിൽപ്പന

പാസഞ്ചർ വെഹിക്കിൾസ് (പിവി) വിഭാഗത്തിലാണ് ഏറ്റവും കൂടുതൽ ഇടിവ് രേഖപ്പെടുത്തുന്നത്. ഒരു വർഷത്തോളമായി വിൽപ്പന കുറയാൻ ആരംഭിച്ചിട്ട്. ജൂലൈയിൽ മാർക്കറ്റ് ലീഡർ മാരുതി സുസുക്കി ആഭ്യന്തര പിവി മൊത്തവ്യാപാരത്തിൽ 36.3 ശതമാനം ഇടിവ് രേഖപ്പെടുത്തി. ഹ്യൂണ്ടായി 10 ശതമാനം ഇടിവ് രേഖപ്പെടുത്തി.