ഡെബിറ്റ് കാർഡ് ഉപഭോക്താക്കൾ

എസ്ബിഐ ഉപഭോക്താക്കളിൽ നിരവധിയാളുകളാണ് ഡെബിറ്റ് കാർഡുകളെ ആശ്രയിക്കുന്നത്. 90 കോടി ഡെബിറ്റ് കാർഡുകൾ രാജ്യത്തുണ്ടെന്നും എന്നാൽ ക്രെഡിറ്റ് കാർഡുകൾ 3 കോടി മാത്രമേ ഉള്ളൂവെന്നും അദ്ദേഹം പറഞ്ഞു. ഡെബിറ്റ് കാർഡിന്റെ എണ്ണം കുറയ്ക്കുന്നതിന്റെ ഭാ​ഗമായാണ് എസ്ബിഐ 'യോനോ' പ്ലാറ്റ്ഫോം പോലുള്ള ഡിജിറ്റൽ പരിഹാരങ്ങൾ കണ്ടെത്തിയതെന്നും അദ്ദേഹം കൂട്ടിച്ചേർത്തു.

യോനോ പ്ലാറ്റ്‌ഫോം

യോനോ ആപ്പ് വഴി ഉപഭോക്താക്കൾക്ക് ഓട്ടോമേറ്റഡ് ടെല്ലർ മെഷീനുകളിൽ നിന്ന് പണം പിൻവലിക്കാം. അല്ലെങ്കിൽ കാർഡ് ഇല്ലാതെ തന്നെ വ്യാപാര സ്ഥാപനത്തിൽ സാധനങ്ങൾ വാങ്ങി പണമടയ്ക്കാവുന്നതാണ്. 68,000 'യോനോ ക്യാഷ് പോയിന്റുകൾ' ബാങ്ക് ഇതിനകം തന്നെ സജ്ജീകരിച്ചിട്ടുണ്ടെന്നും അടുത്ത 18 മാസത്തിനുള്ളിൽ ഇത് 10 ലക്ഷത്തിലധികം വർദ്ധിപ്പിക്കാനുള്ള ശ്രമത്തിലാണെന്നും രജനീഷ് കുമാർ പറഞ്ഞു.

ക്രെഡിറ്റ് കാർഡിനും പകരം

യോനോ ആപ്പ് വഴി ചില സാധനങ്ങൾ വാങ്ങുന്നതിനുള്ള ക്രെഡിറ്റും നൽകാൻ കഴിയും. ഇതുവഴി ക്രെഡിറ്റ് കാർഡിന്റെ ഉപയോ​ഗം കുറയ്ക്കാനും ബാങ്ക് ശ്രമിക്കുന്നുണ്ട്. അടുത്ത അഞ്ച് വർഷത്തിനുള്ളിൽ, നിങ്ങളുടെ പോക്കറ്റിൽ ​ക്രെഡിറ്റ്, ഡെബിറ്റ് കാർഡുകൾ പോലുള്ള പ്ലാസ്റ്റിക് കാർഡുകൾ ആവശ്യമില്ലെന്നും അദ്ദേഹം പറഞ്ഞു.

വെർച്വൽ കൂപ്പൺ

വെർച്വൽ കൂപ്പണുകളുടെ ഭാവിയെക്കുറിച്ചും രജനീഷ് കുമാർ ചൂണ്ടിക്കാട്ടി. പേയ്‌മെന്റുകൾ ഉറപ്പുവരുത്തുന്നതിനുള്ള വളരെ ചെലവുകുറഞ്ഞ മാർഗ്ഗമാണ് ക്യുആർ കോഡ് എന്നും അദ്ദേഹം പറഞ്ഞു.