ബെഞ്ച്മാർക്ക് സൂചികകൾ ഇന്ന് ഇടിഞ്ഞു. നിഫ്റ്റി 11,050 പോയിന്റിന് താഴെയാണ് ഇന്ന് വ്യാപാരം അവസാനിപ്പിച്ചത്. സെൻസെക്സ് 74.48 പോയിൻറ് ഇടിഞ്ഞ് 37,328.01 ലും നിഫ്റ്റി 36.90 പോയിൻറ് ഇടിഞ്ഞ് 11,017 ലുമാണ് ക്ലോസ് ചെയ്തത്. ഏകദേശം 915 ഓഹരികൾ ഇന്ന് നേട്ടമുണ്ടാക്കിയപ്പോൾ 1500 ഓഹരികൾ ഇടിഞ്ഞു. 141 ഓഹരികൾ മാറ്റമില്ലാതെ തുടർന്നു.
മാരുതി സുസുക്കി, ടാറ്റ മോട്ടോഴ്സ്, എച്ച്സിഎൽ ടെക്നോളജീസ്, ഇൻഫോസിസ്, ഡോ. റെഡ്ഡിസ് ലബോറട്ടറീസ് എന്നിവയാണ് ഇന്ന് നിഫ്റ്റിയിൽ നേട്ടമുണ്ടാക്കിയ പ്രധാന ഓഹരികൾ. യെസ് ബാങ്ക്, ഇന്ത്യാബുൾസ് ഹൗസിംഗ്, ബ്രിട്ടാനിയ ഇൻഡസ്ട്രീസ്, അൾട്രാടെക് സിമൻറ്, ഇൻഡസ്ഇൻഡ് ബാങ്ക് എന്നിവയ്ക്കാണ് ഇന്ന് നഷ്ടം നേരിട്ടത്.
മെറ്റൽ, പിഎസ്യു ബാങ്ക്, എനർജി, എഫ്എംസിജി, ഇൻഫ്രാ എന്നീ മേഖലകളാണ് ഇന്ന് ഏറ്റവും കൂടുതൽ വിൽപന സമ്മർദ്ദം നേരിട്ടത്. സ്വർണ വിലയിൽ ഇന്ന് മാറ്റം രേഖപ്പെടുത്തിയില്ല.
malayalam.goodreturns.in