നോട്ട് നിരോധനത്തിന് ശേഷം

നോട്ട് നിരോധനത്തിന് ശേഷം, 2016 ഡിസംബറിലാണ് ക്രെഡിറ്റ് അല്ലെങ്കിൽ ഡെബിറ്റ് കാർഡുകളും ഇ-വാലറ്റുകളും ഉപയോഗിച്ച് നടത്തുന്ന ഇന്ധന വാങ്ങലുകൾക്ക് കിഴിവ് അവതരിപ്പിച്ചത്. ഇതിനുപുറമെ, കാർഡ് പേയ്മെന്റ് ചാർജുകൾ, മർച്ചന്റ് ഡിസ്കൗണ്ട് റേറ്റ് (എംഡിആർ) എന്നിവയുടെ ഭാരം വഹിക്കാനും സർക്കാർ ഓയിൽ മാർക്കറ്റിംഗ് കമ്പനികളോട് ആവശ്യപ്പെട്ടിരുന്നു.

ക്രെഡിറ്റ് കാർ‍ഡ് ഇടപാടുകൾ

എല്ലാ ക്രെഡിറ്റ് കാർഡ് പേയ്മെന്റുകളുടെയും കിഴിവ് 2019 ഒക്ടോബർ 1 മുതൽ നിർത്താൻ എണ്ണ കമ്പനികൾ തീരുമാനിച്ചതായി ബന്ധപ്പെട്ട ഉദ്യോഗസ്ഥർ പറഞ്ഞു. എന്നിരുന്നാലും, ഡെബിറ്റ് കാർഡിനും മറ്റ് ഡിജിറ്റൽ പണമടയ്ക്കലിനുമുള്ള കിഴിവ് തുടരും. നോട്ട് നിരോധനത്തിന് മുമ്പ് 4.5 കോടി ഉപഭോക്താക്കൾ പ്രതിദിനം 1,800 കോടി രൂപയുടെ പെട്രോളും ഡീസലും വാങ്ങിയിരുന്നു. നോട്ട് നിരോധനത്തിന് ശേഷം ഒരു മാസത്തിനുള്ളിൽ ഡിജിറ്റൽ പേയ്‌മെന്റുകൾ 40 ശതമാനമായി ഉയർന്നു.

പണരഹിത ഇടപാടുകൾ

പണരഹിതമായ ഇടപാടുകൾ പ്രോത്സാഹിപ്പിക്കുന്നതിന്റെ ഭാ​ഗമായി ഇന്ധനം വാങ്ങുന്ന ഉപഭോക്താവിന് ഡെബിറ്റ് അല്ലെങ്കിൽ ക്രെഡിറ്റ് കാർഡുകൾ ഉപയോഗിക്കുമ്പോൾ 0.75 ശതമാനം കിഴിവ് നൽകിയിരുന്നു. മൊബൈൽ വാലറ്റുകളും പ്രീപെയ്ഡ് ലോയൽറ്റി കാർഡുകൾ എന്നിവ ഉപയോ​ഗിക്കുന്നവർക്കും ഇളവ് ബാധകമായിരുന്നു.

എസ്ബിഐ

ആസ്തി, നിക്ഷേപം, ലാഭം, ശാഖകൾ, ഉപഭോക്താക്കൾ, ജീവനക്കാർ എന്നിവരുടെ കാര്യത്തിൽ ഇന്ത്യയിലെ ഏറ്റവും വലിയ വാണിജ്യ ബാങ്കാണ് എസ്‌ബി‌ഐ. 22,584 ശാഖകളും 59000 എടിഎമ്മുകളും എസ്ബിഐ ശൃഖലയിൽ ഉൾപ്പെടുന്നു. 37 രാജ്യങ്ങളിൽ 207 ഓഫീസുകളായ് എസ്ബിഐ ബാങ്കുകൾ പ്രവർത്തിക്കുന്നുണ്ട്. എസ്‌ബി‌ഐക്ക് 2.84 കോടി മൊബൈൽ ബാങ്കിംഗ് ഉപയോക്താക്കളും 4.57 കോടി ഇന്റർനെറ്റ് ബാങ്കിംഗ് ഉപഭോക്താക്കളുമാണുള്ളത്.