ഇ-കൊമേഴ്സ് കമ്പനികളുടെ ഉത്സവ വില്‍പ്പന വേളയില്‍ യഥാര്‍ത്ഥ വിലയേക്കാള്‍ വളരെ കുറഞ്ഞ വിലയ്ക്ക് ധാരാളം ഉല്‍പന്നങ്ങള്‍ വില്‍ക്കുന്നുണ്ടെന്ന് സിഎഐടി ദേശീയ പ്രസിഡന്റ് ബി സി ഭാര്‍ട്ട്യ പറഞ്ഞു. 10 മുതല്‍ 80 ശതമാനം വരെ ആഴത്തിലുള്ള കിഴിവുകള്‍ നല്‍കുന്നതിനാല്‍ ഇത് ഒരു കവര്‍ച്ച വിലനിര്‍ണമയല്ലാതെ മറ്റൊന്നുമല്ല. ഉല്‍പന്നത്തിന്റെ യഥാര്‍ത്ഥ മാര്‍ക്കറ്റ് വിലയില്‍ നിന്ന് വാഗ്ദാനം ചെയ്യുന്ന കിഴിവുകള്‍ക്ക് ശേഷമാണ് ഇപ്പോള്‍ ജിഎസ്ടി ഈടാക്കുന്നത്. അതേസമയം ഈ ഇ-കൊമേഴ്സ് പോര്‍ട്ടലുകള്‍ ഉല്‍പന്നത്തിന്റെ വിലകുറക്കുക മത്രമാണ് ചെയ്യുന്നത്. ഇത് സര്‍ക്കാരിന്റെ ജിഎസ്ടി വരുമാനത്തില്‍ വന്‍ നഷ്ടമുണ്ടാക്കുന്നു.

ഈ ഇ-കൊമേഴ്സ് കമ്പനികള്‍ വാഗ്ദാനം ചെയ്യുന്ന ആകര്‍ഷകമായ കിഴിവുകള്‍ക്ക് അവരുടെ നിക്ഷേപകരാണ് ധനസഹായം ചെയ്യുന്നത്. അതിനാല്‍ ഇത്തരം പോര്‍ട്ടലുകള്‍ക്ക് നഷ്ടമുണ്ടാവുന്നില്ല. ആത്യന്തികമായ നഷ്ടം സംഭവിക്കുന്നത് സര്‍ക്കാരിനാണ്. യഥാര്‍ഥത്തില്‍ ലഭിക്കേണ്ടത് വിപണി വിലയാണ്, എന്നാല്‍ ഈ ഇ-കൊമേഴ്സ് കമ്പനികളുടെ തുറന്ന കൃത്രിമത്വം കാരണം, സര്‍ക്കാരിന്റെ വരുമാനം നിഷേധിക്കപ്പെടുന്നു. കഴിഞ്ഞ കുറേ വര്‍ഷങ്ങളായി ഈ കമ്പനികള്‍ നഷ്ടത്തിലാണെന്നതാണ് സത്യം.

എന്നിട്ടും അവര്‍ തങ്ങളുടെ ബിസിനസ്സ് പ്രവര്‍ത്തനങ്ങള്‍ തുടരുകയും കാലാകാലങ്ങളില്‍ ഉത്സവ വില്‍പ്പനയും മറ്റ് വില്‍പ്പനകളും നടത്തുകയും ചെയ്യുന്നു. വ്യാപാരികള്‍ ഇ-കൊമേഴ്സ് ബിസിനസിന് എതിരല്ലെന്നും രാജ്യത്തെ ഭാവിയിലെ ബിസിനസ്സ് രീതിയാണ് ഇ-കൊമേഴ്സ് എന്നും ഉറച്ച വീക്ഷണമുണ്ടെന്നും ഭാര്‍ട്ടിയ വ്യക്തമാക്കി. എന്നാല്‍ വിലനിര്‍ണ്ണയത്തിലും കിഴിവുകളിലും ന്യായമായ മര്യാദയും സര്‍ക്കാര്‍ അനുശാസിക്കുന്ന നിയമങ്ങളും പാലിക്കപ്പെടണം അദ്ദേഹം കൂട്ടിച്ചേര്‍ത്തു.