ക്ലോസിം​ഗിന് മുമ്പുള്ള അവസാന മണിക്കൂറിലെ നേരിയ നേട്ടത്തോട ഓഹരി വിപണി ഇന്ന് നഷ്ട്ടത്തിൽ നിന്ന് കരകയറി. സെൻസെക്സ് 95 പോയിൻറ് അഥവാ 0.24 ശതമാനം ഉയർന്ന് 39,058.83 ലും നിഫ്റ്റി 11,604.10 ലുമാണ് ക്ലോസ് ചെയ്തത്. ബി‌എസ്‌ഇ മിഡ്‌കാപ്പ് സെൻസെക്‌സിനെ പിന്നിലാക്കി 0.08 ശതമാനം താഴ്ന്നെങ്കിലും ബി‌എസ്‌ഇ സ്‌മോൾകാപ്പ് സൂചിക 0.25 ശതമാനം നേട്ടത്തോടെ ഫിനിഷ് ചെയ്തു. ബിഎസ്ഇ ടെലികോമിന് 3.04 ശതമാനം നഷ്ടം നേരിട്ടു.

ഇന്ത്യൻ വിപണികൾ വളരെയധികം അസ്ഥിരമായ ട്രേഡിങ്ങ് സെഷനാണ് ഇന്ന് സാക്ഷ്യം വഹിച്ചതെങ്കിലും അവസാന നിമിഷം നേട്ടത്തിൽ വ്യാപാരം അവസാനിപ്പിക്കുകയായിരുന്നു. നിക്ഷേപകരുടെ ശ്രദ്ധ ഇപ്പോൾ കമ്പനികൾ പുറത്തു വിടുന്ന ത്രൈമാസ റിപ്പോർട്ടിലാണെന്ന് അനലിസ്റ്റുകൾ വ്യക്തമാക്കി.

റിലയൻസ് പവർ, ഐആർബി, ഇന്ത്യൻ ബാങ്ക്, പ്രെസ്റ്റീജ്, എംസിഎക്സ്, നെറ്റ്‍വർക്ക് 18 തുടങ്ങിയ ഓഹരികളാണ് ഇന്ന് ബിഎസ്ഇയിൽ മികച്ച പ്രകടനം കാഴ്ച്ച വച്ചത്. ​ഗ്രാഫൈറ്റ്, അദാനി പോർട്ട്സ്, ഐഡിയ, ആർബിഎൽ ബാങ്ക്, ഡിഷ് ടിവി എന്നിവയ്ക്ക് ഇന്ന് കനത്ത നഷ്ടവും നേരിടേണ്ടി വന്നു.

പ്രജ് ഇൻഡസ്ട്രീസിന്റെ ഓഹരികൾ ഇന്ന് 5.4 ശതമാനം ഉയർന്നു. ത്രൈമാസ കമ്പനി റിപ്പോർട്ടിന് ശേഷമുള്ള മികച്ച നേട്ടമാണിത്. കമ്പനിയുടെ സെപ്റ്റംബർ പാദ അറ്റാദായം 81.2 ശതമാനം ഉയർന്ന് 16.1 കോടി രൂപയായി. 2018ൽ ഇതേ പാദത്തിൽ ഇത് 8.9 കോടി രൂപയായിരുന്നു. വരുമാനം 17.2 ശതമാനം ഉയർന്ന് 294.1 കോടി രൂപയിൽ നിന്ന് 251 കോടി രൂപയായി.

malayalam.goodreturns.in