നിങ്ങൾക്ക് ബ്രസീൽ സന്ദർശിക്കാൻ ആഗ്രഹമുണ്ടോ? എങ്കിൽ ഇനി വിസ നടപടികൾക്കായി ഓടി നടക്കേണ്ട. ബ്രസീൽ സന്ദർശിക്കുന്ന ചൈനീസ്, ഇന്ത്യൻ വിനോദ സഞ്ചാരികൾ അല്ലെങ്കിൽ ബിസിനസുകാർക്ക് വിസ നേടണമെന്ന നിബന്ധന ദക്ഷിണ അമേരിക്കൻ രാഷ്ട്രം ഉപേക്ഷിക്കുന്നതായി ബ്രസീൽ പ്രസിഡന്റ് ജെയർ ബോൾസോനാരോ പറഞ്ഞു.
തീവ്ര വലതുപക്ഷ രാഷ്ട്രീയക്കാരനായ ബോൾസോനാരോ ഈ വർഷം തുടക്കത്തിലാണ് അധികാരത്തിൽ വന്നത്. നിരവധി വികസിത രാജ്യങ്ങളുടെ വിസ ആവശ്യകത ഇദ്ദേഹം നിർത്തലാക്കിയിരുന്നു. എന്നാൽ ചൈന സന്ദർശനത്തിനിടെയാണ് വികസ്വര രാജ്യങ്ങളിലേക്കും ഈ നയം വ്യാപിപ്പിക്കുന്നതായി അദ്ദേഹം വ്യക്തമാക്കിയത്.
യുകെയിൽ ജോലി നേടാൻ ഇനി എന്തെളുപ്പം; പുതിയ വിസ നിയമങ്ങൾ ഇങ്ങനെ
ഈ വർഷം ആദ്യം, യുണൈറ്റഡ് സ്റ്റേറ്റ്സ്, കാനഡ, ജപ്പാൻ, ഓസ്ട്രേലിയ എന്നിവിടങ്ങളിൽ നിന്നുള്ള വിനോദ സഞ്ചാരികൾക്കും ബിസിനസുകാർക്കുമുള്ള വിസ ആവശ്യകത ബ്രസീൽ സർക്കാർ അവസാനിപ്പിച്ചിരുന്നു. എന്നാൽ ഈ രാജ്യങ്ങളിലേയ്ക്കുള്ള ബ്രസീലിയൻ പൗരന്മാർക്കുള്ള വിസ ആവശ്യകത ഇവർ ഉപേക്ഷിച്ചിട്ടില്ല.
58 രാജ്യങ്ങളില് ഇന്ത്യന് പൗരന്മാര്ക്ക് വിസയ്ക്ക് അപേക്ഷിക്കാതെ യാത്ര ചെയ്യാന് കഴിയും. ഇവയില് ചിലത് വിസ-ഓണ്-അറൈവല് ലഭിക്കുന്നവയാണെങ്കില് ചില രാജ്യങ്ങളില് വിസയുടെ ആവശ്യമേയില്ല. ഭൂട്ടാന്, ഡൊമിനിക്ക, ഇക്വഡോര്, എല് സാല്വദോര്, ഫിജി, ഗ്രെനെഡ, ഹെയ്ത്തി, ഇന്തോനേഷ്യ, ജമൈക്ക, മക്കാവു, മാസിഡോണിയ, ഗാംബിയ, മൌറീഷ്യസ്, മൈക്രോനേഷ്യ, നേപ്പാള്, പലസ്തീനിയന് പ്രദേശങ്ങള്,
സെയിന്റ് കിറ്റ്സ് ആന്ഡ് നേവിസ്, സെനഗല്, സെര്ബിയ, സെന്റ് വിൻസന്റ് ആൻഡ് ഗ്രനൈഡൻസ്, ട്രിനിഡാഡ് ആന്ഡ് ടുബാഗോ, വനുവതു എന്നിവിടങ്ങളിൽ ഇന്ത്യക്കാർക്ക് വിസയുടെ ആവശ്യമില്ല.
ടൂറിസ്റ്റുകള്ക്ക് ഇനി ധൈര്യമായി ശ്രീലങ്കയില് പോവാം;ഇന്ത്യക്ക് വിസ ഓണ് അറൈവല് ശ്രീലങ്ക അനുവദിച്ചു
malayalam.goodreturns.in