വീണ്ടും ബംബർ ഐപിഒ വീക്ക്, വിപണിയിലേക്കെത്തുക 2119 കോടി,ഓഹരി വില 21 രൂപ മുതൽ,നേട്ടമുണ്ടാക്കാൻ റെഡിയല്ലേ

ധനസമാഹരണത്തിന്‍റെ ഭാഗമായി ഒരു കമ്പനി തങ്ങളുടെ ഓഹരികള്‍ ആദ്യമായി പൊതുജനങ്ങളിലേക്ക് എത്തിക്കുന്ന പ്രവർത്തനത്തെയാണ് പ്രാഥമിക ഓഹരി വില്‍പ്പന ( ഇനിഷ്യല്‍ പബ്ലിക്ക് ഓഫറിങ് ) അഥവാ ഐ.പി.ഒ. പൊതു നിക്ഷേപകരിൽ നിന്ന് മൂലധനം സ്വരൂപിക്കാൻ ഒരു ഐപിഒ വഴി കമ്പനികൾക്ക് സാധിക്കുന്നു. കമ്പനിയുടെ ലാഭത്തിനനുസരിച്ച് ഓഹരിയുടെ മൂല്യം ഉയരുന്നു, ഒപ്പം ലാഭവീതം കിട്ടും. അതേസമയം കമ്പനി നഷ്ടത്തിലായാൽ അത് നമ്മുടെ ഓഹരിയെ പ്രതികൂലമായി ബാധിക്കുകയും ചെയ്യും. അതുകൊണ്ടു തന്നെ ദീർഘകാല കാഴ്ചപ്പാടോടെ മാത്രമേ ഐപിഒയെ സമീപിക്കാൻ പാടുള്ളു.

അടുത്ത ആഴ്ച, അതായത് ജൂലൈ 29 മുതൽ ഓഗസ്റ്റ് 2 വരെ ഏഴ് എസ്എംഇയും ഒരു മെയിൻബോർഡ് ഇഷ്യൂവും ഓഹരി വിപണിയിൽ നടക്കുന്നുണ്ട്. ഏകദേശം 2119.75 കോടി രൂപയാണ് വിപണിയിലേക്കെത്തുക. ഏതൊക്കെ കമ്പനികളാണ് ഐപിഒയിൽ പങ്കെടുക്കുന്നതെന്നും അവയുടെ കൂടുതൽ വിശദാംശങ്ങളും നമുക്ക് പരിശോധിക്കാം.

1. അകംസ് ഡ്രഗ്‌സ് ആൻഡ് ഫാർമസ്യൂട്ടിക്കൽസ്

ഡൽഹി ആസ്ഥാനമായുള്ള അകംസ് ഡ്രഗ്‌സ് ആൻഡ് ഫാർമസ്യൂട്ടിക്കൽസിൻ്റെ 1,857 കോടി രൂപയുടെ ഐപിഒ ജൂലൈ 30 ന് ആരംഭിച്ച് ഓഗസ്റ്റ് 1 ന് അവസാനിക്കും. 1,857 കോടി രൂപയുടെ ഐപിഒയ്ക്ക് 646-679 രൂപയാണ് ഓഹരി വില നിശ്ചയിച്ചിരിക്കുന്നത്.

680 കോടി രൂപയുടെ ഓഹരികളുടെ പുതിയ ഇഷ്യൂവും ഒരു ഷെയറിന് 2 രൂപ മുഖവിലയുള്ള 1.73 കോടി വരെയുള്ള ഓഹരികളുടെ ഓഫർ ഫോർ സെയിൽ (OFS) ഉം അടങ്ങുന്നതാണ് ഐപിഒ. ഇഷ്യൂവിലെ ഓരോ ലോട്ടിലും 22 ഓഹരികൾ ഉണ്ടാകും. 1856.74 കോടി രൂപയുടെ ഐപിഒ 2024 ഓഗസ്റ്റ് 06-ന് ബിഎസ്ഇയിലും എൻഎസ്ഇയിലും ലിസ്റ്റ് ചെയ്യും.

2. ബൾക്ക്കോർപ്പ് ഇൻ്റർനാഷണൽ ലിമിറ്റഡ്

ബൾക്ക്കോർപ്പ് ഇൻ്റർനാഷണൽ ലിമിറ്റഡിന്‍റെ ഐപിഒ ജൂലൈ 30 മുതൽ 2024 ഓഗസ്റ്റ് 01 വരെയാണ്. 100 രൂപ മുതൽ 105 വരെയാണ് ഓഹരി വില. 78 കോടി രൂപ വിലമതിക്കുന്ന ഇഷ്യൂ ഓഹസ്റ്റ് 06-ന് എൻഎസ്ഇയിൽ ലിസ്റ്റ് ചെയ്യുമെന്നാണ് സൂചന.

3. സത്ലോകർ സിനർജിസ് ഇ & സി ഗ്ലോബൽ ലിമിറ്റഡ്

ഐപിഒ 2024 ജൂലൈ 30-ന് ആരംഭിക്കുകയും 2024 ഓഗസ്റ്റ് 1-ന് അവസാനിക്കുകയും ചെയ്യും. 140 രൂപയാണ് ഓഹരി വില. 92.93 കോടി രൂപയുടെ ബുക്ക് ബിൽഡിംഗ് ഇഷ്യൂ ഓഫറാണ്. ഒരു ആപ്ലിക്കേഷൻ്റെ ഏറ്റവും ചെറിയ ലോട്ട് സൈസ് 1000 ഷെയറുകളാണ്. റീട്ടെയിൽ നിക്ഷേപകർ കുറഞ്ഞത് 140,000 രൂപ നിക്ഷേപിക്കണം.

4. കിസി അപ്പാരൽസ് ലിമിറ്റഡ്

ഐപിഒ ജൂലൈ 30 മുതൽ ഓഗസ്റ്റ് 01 വരെ തുറക്കും. 21 രൂപയാണ് ഓഹരി വില. 5.58 കോടി രൂപയുടെ കിസി അപ്പാരൽസ് ലിമിറ്റഡ് ഐപിഒ ഓഗസ്റ്റ് 06-ന് ബിഎസ്ഇ എസ്എംഇയിൽ ലിസ്റ്റ് ചെയ്യും.

5. രാജ്പുതാന ഇൻഡസ്ട്രീസ് ലിമിറ്റഡ്

ഐപിഒ ജൂലൈ 30-ന് സബ്‌സ്‌ക്രിപ്‌ഷനായി തുറക്കുകയും ഓഗസ്റ്റ് 1-ന് അവസാനിക്കുകയും ചെയ്യും. ഐപിഒയ്ക്കുള്ള അലോട്ട്‌മെൻ്റ് 2024 ഓഗസ്റ്റ് 2 വെള്ളിയാഴ്ച അന്തിമമാകുമെന്ന് പ്രതീക്ഷിക്കുന്നു. ഐപിഒ പ്രൈസ് ബാൻഡ് ഒരു ഷെയറിന് 36 രൂപ മുതൽ 38 രൂപ വരെയാണ്. ഒരു ആപ്ലിക്കേഷൻ്റെ ഏറ്റവും കുറഞ്ഞ ലോട്ട് സൈസ് 3000 ഷെയറുകളാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.