ആർട്ടിഫിഷ്യൽ ഇൻ്റലിജൻസിന് പിറകെ ലോകം, ഇപ്പോൾ വാങ്ങാൻ 5 എഐ ഓഹരികൾ, കൂടെക്കൂട്ടുന്നോ...

ആർട്ടിഫിഷ്യൽ ഇൻ്റലിജൻസ് ആഗോള തലത്തിൽ അഭൂതപൂർവമായ വളർച്ചയാണ് കൈവരിക്കുന്നത്. ഭാവിയിലെ മനുഷ്യ ജീവിതം ആർട്ടിഫിഷ്യൽ ഇൻ്റലിജൻസിനൊപ്പമായിരിക്കുമെന്നാണ് വിലയിരുത്തുന്നത്. അതുകൊണ്ടു തന്നെ ഈ മേഖല വരും വർഷങ്ങളിൽ പലമടങ്ങ് വളരാൻ ഒരുങ്ങുകയാണ്. സാങ്കേതികവിദ്യയിലെ പുരോഗതിയും ഡിമാൻഡിലെ വർധനയും വരും വർഷങ്ങളിൽ ഈ മേഖലയ്ക്ക് വലിയ ഉത്തേജനം നൽകും.

ആർട്ടിഫിഷ്യൽ ഇൻ്റലിജൻസ് സാങ്കേതിക വിദ്യ ഇന്ത്യയിലും പ്രചാരത്തിലെത്തിക്കഴിഞ്ഞു. അതിവേഗ വളർച്ച ഇവിടേയും സംഭവിക്കുകയാണ്. അതിവേഗം വളരുന്ന മേഖലകളിലൊന്നിൽ നിക്ഷേപിക്കാനുള്ള മികച്ച അവസരമാണിത്. നല്ല നിക്ഷേപ അവസരം നൽകുന്ന 5 ആർട്ടിഫിഷ്യൽ ഇൻ്റലിജൻസ് ഓഹരികൾ നമുക്ക് നോക്കാം.

1. ടാറ്റാ എൽക്സി

ടാറ്റാ ഗ്രൂപ്പിന് കീഴലുള്ള ടാറ്റാ എൽക്സി കഴിഞ്ഞ അഞ്ച് വർഷത്തിനിടെ 690 ശതമാനം വളർച്ചയാണ് കൈവരിച്ചത്. അതേസമയം കഴിഞ്ഞ ഒരു മാസത്തിനിടെ ഓഹരി 4.38 ശതമാനം ഇടിഞ്ഞിട്ടുണ്ട്. 43.57,000 കോടി രൂപയാണ് ടാറ്റ എൽക്‌സിയുടെ വിപണി മൂലധനം. ഓഹരിയുടെ 52 ആഴ്‌ചയിലെ ഉയർന്ന വില 9200 രൂപയും താഴ്ന്ന വില 6411.20 രൂപയുമാണ്. ഓഹരിയൊന്നിന് 6996 രൂപയാണ് നിലവിലെ വിപണി വില.

2. ഒറാക്കിൾ ഫിനാൻഷ്യൽ സർവീസസ് സോഫ്‌റ്റ്‌വെയർ

ഒറാക്കിൾ ഫിനാൻഷ്യൽ സർവീസസ് സോഫ്‌റ്റ്‌വെയറിൻ്റെ ഓഹരികൾ കഴിഞ്ഞ ഒരു വർഷത്തിനിടെ 160.27 ശതമാനം റിട്ടേൺ നൽകി. കഴിഞ്ഞ ഒരു മാസത്തിനിടെ സ്റ്റോക്കുകൾ ഏകദേശം 30% ഉയർന്നു. ഒറാക്കിൾ ഫിനാൻഷ്യൽ സർവീസസ് സോഫ്റ്റ്‌വെയറിൻ്റെ വിപണി മൂല്യം 85.80,000 കോടി രൂപയാണ്.

ഓഹരിയൊന്നിന് 9,900 രൂപയാണ് നിലവിലെ വിപണി വില. ഓഹരിയുടെ 52 ആഴ്‌ചയിലെ ഉയർന്ന വില 9972 രൂപയും താഴ്ന്ന വില 3731 രൂപയുമാണ്.

3. ടെക് മഹീന്ദ്ര

എൻഎസ്ഇയിൽ 1430.05 രൂപ എന്നതാണ് ടെക് മഹീന്ദ്രയുടെ നിലവിലെ ഓഹരി വില. ഒരു മാസത്തിനിടെ 8.74 ശതമാനവും ആറ് മാസത്തിനിടെ 12 ശതമാനവും വളർച്ച നേടാൻ ഓഹരിക്ക് സാധിച്ചു. 29.05 ശതമാനമാണ് ഒരു വർഷത്തെ നേട്ടം. ഓഹരിയുടെ 52 ആഴ്‌ചയിലെ ഉയർന്ന വില 1443 രൂപയും താഴ്ന്ന വില 1082.55 രൂപയുമാണ്.

4. എച്ച്‌സിഎൽ ടെക്

കഴിഞ്ഞ ഒരു വർഷത്തിനിടെ എച്ച്‌സിഎൽ ടെക്കിൻ്റെ ഓഹരികൾ 24.36 ശതമാനം റിട്ടേൺ നൽകി. 8 ശതമാനമാണ് ഒരു മാസത്തെ വളർച്ച. കമ്പനിയുടെ വിപണി മൂല്യം 3.94 ലക്ഷം കോടി രൂപയാണ്. 1455 രൂപയാണ് നിലവിലെ ഓഹരി വില. ഓഹരിയുടെ 52 ആഴ്‌ചയിലെ ഉയർന്ന വില 1697 രൂപയും താഴ്ന്ന വില 1087 രൂപയുമാണ്.

5. പെർസിസ്റ്റൻ്റ് സിസ്റ്റംസ്

കഴിഞ്ഞ ഒരു വർഷത്തിനിടെ പെർസിസ്റ്റൻ്റ് സിസ്റ്റങ്ങളുടെ ഓഹരികൾ ഏകദേശം 64.93% ഉയർന്നു. ഒരു മാസത്തിനിടെ 10 ശതമാനവും ആറ് മാസത്തിനിടെ 7.30 ശതമാനവും വളർച്ച നേടാൻ ഓഹരിക്ക് സാധിച്ചു. ഓഹരിയുടെ ഇപ്പോഴത്തെ വില 4034 രൂപയാണ്. 61.45,000 കോടി രൂപയാണ് കമ്പനിയുടെ വിപണി മൂലധനം. ഓഹരിയുടെ 52 ആഴ്ചയിലെ ഉയർന്ന വില 4450 രൂപയും താഴ്ന്ന വില 2317 രൂപയുമാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.